हृतिकवर आरोप; सुझानने दिलं कंगनाला उत्तर

मटा ऑनलाइन वृत्त । मुंबई

अभिनेता हृतिक रोशन आणि त्याची माजी पत्नी सुझान खान यांचा काही वर्षांपूर्वीच घटस्फोट झाला आहे. पण तरीही आजही अडचणीत दोघंही कायम एकमेकांसाठी धावून येतात. आता खरं तर ज्या कारणामुळे या दोघांचा घटस्फोट झाला ते कारण अभिनेत्री कंगना राणावत असल्याचं म्हटलं जातं. पण याच कंगनाने हृतिकविरोधात केलेल्या आरोपांविरोधात सुझान उभी ठाकली आहे.

एका वाहिनीला दिलेल्या मुलाखतीत कंगना राणावतने हृतिक आणि त्याचे वडील राकेश रोशन यांच्यावर बेछूट आरोप केले होते. हृतिकसोबत आपलं कशाप्रकारचं नातं होतं त्याबद्दल ती मोकळेपणी बोलली आणि त्याच्यावर फसवणुकीचा आरोप केला. यावर सुझानने हृतिकच्या बाजुने एक टि्वट केलंय. अर्थात यात कंगनाचं नाव तिने घेतलेलं नाही, पण अप्रत्यक्षपणे तिला खडे बोल सुनावले आहेत. 'कोणतेही आरोप किंवा कट इतका मोठा होऊ शकत नाही की जो चांगल्या हृदयाच्या माणसाचा पराभव करेल.'

The is no allegation or sad plot that can have the weight to triumph over a good soul. #powerofthetruth #mafamilia #goodoverevil 😇🖤🌈🦋 pic.twitter.com/WlVKbIhFjE — Sussanne Khan (@sussannekroshan) September 3, 2017