बहीण इनायासोबत तैमूरने साजरं केलं रक्षाबंधन

मुंबई: भावा-बहिणीचं प्रेम साजरं करणारा राखीपोर्णिमेचा सण आज देशभरात साजरा केला गेला. अनेक बॉलिवूड सेलिब्रिटींनी सोशल मीडियावरही आपल्या भावा-बहिणींना शुभेच्छा दिल्या. अशातच, सोशल मीडियावर सतत चर्चेत असणारा स्टार किड तैमूरला त्याची बहीण इनाया हिने सोशल मीडियावर पोस्ट करून त्याला राखी पोर्णिमेच्या शुभेच्छा दिल्या आहेत.

बॉलिवूड अभिनेता सैफ अली खान आणि अभिनेत्री करिना कपूर यांचा मुलगा तैमूर प्रचंड लोकप्रिय आहे. सैफची बहीण सोहा अली खान आणि कुणाल खेमू यांची मुलगी इनाया नयोमी खेमू ही तैमूरची सख्खी आत्ते बहीण. दोघं वरचेवर एकमेकांना भेटत असल्याने दोघांची गट्टीही एकदम छान जमते. हे दोघं सोबत असले की खूप खेळतात, मस्ती करतात. राखी पोर्णिमेच्या दिवशी सोहा अली खानने या दोघांचा एक फोटो तिच्या इन्स्टाग्राम अकाउंटवरून शेअर केला आणि इनायाकडून तैमूरला राखी पोर्णिमेच्या शुभेच्छा दिल्या आहेत. सध्या ही दोन्ही कुटुंबं लंडनमध्ये सुट्टी एन्जॉय करतायत. तेथील त्यांचे फोटो सोशल मीडियावर सतत व्हायरल होत असतात.