वाढदिवस साजरा करण्यासाठी तैमूर आफ्रिकेला रवाना

मुंबईः

अभिनेता सैफ अली खान आणि करिना कपूर खानचा मुलगा तैमूर नेहमीच चर्चेत असतो. येत्या २० डिसेंबरला तैमूरचा दुसरा वाढदिवस आहे. मुलाचा वाढदिवस साजरा करण्यासाठी शनिवारी रात्री करिना आणि सैफ साउथ अफ्रिकेला रावाना झाले आहेत.

यावर्षी तैमूरचा वाढदिवस साजरा करण्याची जोरदार तयारी सुरू आहे. सूत्रांनुसार, करिना तिच्या कामासाठी अफ्रिकेला रवाना झाली असल्याचं समोर आलं आहे. मुलाचा वाढदिवस एकत्र सेलिब्रेट करण्यासाठी सैफ आणि तैमूर करिनासोबत अफ्रिकेसाठी रवाना झाले आहेत. शनिवारी रात्री तैमूर सैफच्या खांद्यावर बसून अफ्रिकेला रवाना होण्यासाठी एअरपोर्टला जाताना दिसला होता. तैमूरला त्याच्या कमी वयात जास्त प्रसिद्धी मिळाली आहे. सोशल मीडियावर तैमूरच्या नावाचे काही पेजदेखील तयार करण्यात आल्याचं दिसत आहे.