The accidental Prime Minister: ‘द अॅक्सिडेंटल पीएम’चा मार्ग मोकळा

नवी दिल्ली : 'द अॅक्सिडेंटल पीएम' हा चित्रपट तसेच त्याच्या ट्रेलरवर बंदी घालण्याची मागणी करणारी जनहित याचिका दिल्ली उच्च न्यायालयाने बुधवारी फेटाळून लावली. या चित्रपटामुळे देशाच्या पंतप्रधानांच्या पदाचा अवमान होत आहे, असा दावा करत बंदीची मागणी करण्यात आली होती.

मुख्य न्यायायाधीश राजेंद्र मेनन आणि न्या. व्ही. के. राव यांनी हा निर्णय दिला. या प्रकरणातील याचिकाकर्त्यांना याचिका करण्याचा अधिकार नसल्याचे न्यायालयाने स्पष्ट केले. हा चित्रपट ११ जानेवारीला प्रदर्शित होणार आहे.