सचिनच्या सिनेमाच्या प्रिमिअरला टीम इंडिया

मटा ऑनलाइन वृत्त । मुंबई

मास्टर ब्लास्टर सचिन तेंडुलकरच्या 'सचिन अ बिलियन ड्रीम्स' या सिनेमाचा प्रिमिअर शो पाहण्यासाठी आणि सचिनला शुभेच्छा देण्यासाठी अवघी टीम इंडिया आली होती. या सिनेमाचा वर्ल्ड प्रिमियर आज सायंकाळी आहे. तत्पूर्वी टीम इंडियासाठी विशेष स्क्रीनींगचे आयोजन करण्यात आले होते. सचिनच्या जीवनावर आधारित हा सिनेमा येत्या शुक्रवारी २६ मे रोजी सर्वत्र प्रदर्शित होत आहे.

टीम इंडियाचा कप्तान विराट कोहली, युवराज सिंग, महेंद्र सिंग धोनी, आर. अश्विन, मोहम्मद शमी यांनी या शोला हजेरी लावली. अभिनेत्री अनुष्का शर्मा हीदेखील विराट कोहलीसोबत उपस्थित होती. सचिन कोट घालून तर त्याची पत्नी अंजली डिझायनर वेअरमध्ये साऱ्यांचे लक्ष वेधून घेत होते. ज्याने सचिनमधलं क्रिकेट पहिल्यांदा हेरलं तो सचिनचा भाऊ अजित तेंडुलकरही यावेळी उपस्थित होता. क्रिकेटपटू शिखर धवन आपल्या कुटुंबासह उपस्थित होता.