अरुंधतीला समजून घेत आशुतोष असं काही करतो की, तुम्हीही म्हणाल नवरा असावा तर असा!

मुंबई: 'आई कुठे काय करते' मालिकेत आता अरुंधतीनं दुसऱ्यांदा संसार थाटलाय. ती आशुतोषसोबत लग्नबंधनात अडकली आहे. पण आधीची नाती विसरून नव्या नात्यांना जवळ करणं तिला अवघड जातंय. ती आजही तिचा जीव देशमुख कुटुंब आणि तिच्या मुलांमध्ये अडकला आहे. पण यासगळ्यात आशुतोष तिला साथ देतोय.


दुसरं लग्न केल्यानंतर पहिल्या लग्नाची नाती तोडणं सोप्प नसतं. हे आशुतोषला समजलं. कालच्या भागात दाखवण्यात आलं होतं ती, अरुंधती आणि आशुतोष जेवायला बाहेर निघाले होते. पण तितक्यात यश येतो. आणि गौरीनं साखरपुडा तोडल्याचं सांगितलं.त्यामुळं अरुंधती त्याला समजावते, त्याला धीर देते. या सगळ्यात आशुतोषही दोन शब्द यशला सांगतो.

किंग खानच्या ताफ्यात कोट्यवधींची Rolls Royce कार दाखल; किंमतीसोबतच नंबर प्लेटही खूप भारी!
यश आणि गौरी यांचा थाटामाटात साखरपुडा झाला होता. पण आता तिनं साखरपुडा तोडण्याचा निर्णय घेतला.यशनं तिला एक चिठ्ठी देत आपल्या भावना व्यक्त केल्या होत्या. मात्र त्याचा काहीही उपयोग झाला नाही. ती अमेरिेकेला निघून गेली. त्यामुळं यशसाठी हा कठीण काळ आहे. त्यामुळं लेकाच्या कठीण काळात अरुंधती त्याच्यासोबत खंबीरपणे उभी आहे.


यशला समजवल्यानंतर अरुंधती आणि आशुतोष त्यांच्या प्लॅन नुसार डिनरसाठी गेले. आणि तिथून परत येत असताना दोघांचा कारमध्येही बोलणं होतं. आशुतोष अरुंधतीची समजूत काढतो की, यश गुणी, समजुतदार मुलगा आहे. तो यातून बाहेर येईल. त्याला खंबीर व्हावं लागेल. पण बाहेर येईल यातून. यावर अरुंधती यशच्या काळजीनं रडायला लागते. त्याच्या बाबांनी त्याला कधी प्रेमाणं वागवलंच नाही. असं म्हणते. अरुंधती आशुतोषच्या खांद्यावर डोकं ठेऊन रडताना दिसते.

दरम्यान, मालिकेत अनघाच, संजना यांच्या संभाषणही प्रेक्षकांना आवडलं. अनिरुद्ध आणि संजना यांचा घटस्फोट होणार का? की पुढं आणखी ट्विस्ट येणार हे पाहवं लागणार आहे .तर दुसरीकडं अनिश आणि इशा यांच्या नात्याबद्दलहीअरुंधतीला आता काळजी वाटत आहे.