बिग बॉस मराठीमध्ये सगळे गावठी; शिव ठाकरेशी भांडताना अर्चनाची जीभ घसरली; प्रेक्षकांचा संताप

मुंबई: बिग बॉस हिंदीचं १६ वं पर्व आता चर्चेत आलं आहे. रोज काही ना काही घडताना दिसत आहे. रोज एक नवा वाद होताना दिसतोय. आता पुन्हा एकदा नव्या वादाला तोंड फुटलं आहे.

बिग बॉस हिंदीच्या घरात अर्चना गौतम ही एक वादग्रस्त स्पर्धक म्हणून पुढं येत आहे. अर्चनाचं वागणंही वादाचं कारण ठरताना दिसत आहे. तिनं बिग बॉस मराठीबद्दल केलेलं वक्तव्य चांगलंच चर्चेत आलं आहे. यामुळं प्रेक्षकांनी संताप व्यक्त केलाय. शिव ठाकरे याच्याशी बोलताना अर्चनानं वादग्रस्त हे विधान केलं आहे. हे ऐकून बिग बॉस मराठीचे प्रेक्षक प्रचंड संतापले आहेत. अर्चनानं माफी मागावी अशी मागणीही केली जात आहे.

अर्चना गौमत आणि इतर काही सदस्यांनी बिग बॉसच्या घराचे नियम मोडल्यामुळं बिग बॉसनं त्यांना शिक्षा सुनावली होती. या शिक्षेला अर्चना गौतम हिनं हे चुकीचं असल्याचं म्हणत,विरोध केला. यानंतर तिचं शिव ठाकरे याच्याशी जोरदार भांडण झाल्याचं पाहायला मिळालं.

शिवसोबत भांडण सुरू असताना अर्चना गौतम असं काही बोलून गेली की , त्याच्या पारा आणखीच चढला.

काय म्हणाली अर्चना गौतम?
भांडताना गौतमी शिवला म्हणाली की, बिग बॉस मराठीमध्ये सगळे गाववाले , गावातले लोक येतात त्यामुळं तिथं तू जिंकला असशील पण हे हिंदी बिग बॉस आहे. इथं तुझं काही चालणार नाही. इथं आता अर्चना आली आहे, असं अर्चनानं भांडणाच्या दरम्यान म्हटल्यानंतर प्रेक्षकांचाही पारा चढला आहे. इतकंच नाही तर ती वारंवार मराठीचा अपमान करताना दिसतेय. अर्चना सतत मराठी बिग बॉसला हिणवत असल्याचं दिसून आलं आहे.


अर्चनाचं हे वाक्य ऐकून शिव तिला म्हणतो की, मी बिग बॉसच्या घराचा नेहमीच आदर करत आलोय. मला काय करायचं काही नाही, माझी जबाबदारी माहीत्येय. माझी पात्रता आहे म्हणूनच मी इथं आलोय', असं शिवनं म्हटलं.