सिनेसृष्टीतील कलाकारांची सोशल मीडियावर नेहमीच चर्चा सुरू असते. कधी त्यांच्या मालिका, सिनेमे तर कधी त्यांच्या खासगी आयुष्याबद्दल चाहते बोलत असतात. कलाकारांचे हटके फोटोही याचाच एकभाग. अनेकदा अभिनेत्रींचे फोटो सोशल मीडियावर व्हायरल होताना दिसतात. पण चित्रपट सृष्टीत येण्यापूर्वी ते कसे दिसायचे याबद्दलही चाहत्यांमध्ये उत्सुकता असते. अनेक कलाकारांचे पूर्वीचे आणि आत्ताचे फोटो व्हायरल होताना दिसतात. असाच एक फोटो सध्या सोशल मीडियावर व्हायरल झालाय. हा फोटो पाहून मराठी सिनेसृष्टीतील अभिनेत्रीला ओळखणंही कठिण असल्याचं अनेकांनी म्हटलं आहे.
काय होतीस काय झालीस तू
अभिनेत्री म्हटलं की ग्लॅमरस , बोल्ड असा चेहरा आपल्यासमोर उभा राहतो. आज काल अगदी कोणत्याही पेहरावात अभिनेत्री तितक्याच बोल्ड आणि ग्लॅमरस दिसतात. पण त्यांच्या करिअरच्या सुरुवातीला त्या अशाच दिसायच्या का? असा प्रश्न चाहत्यांना नेहमीच पडतो. ग्लॅमरस दिसणाऱ्या एखाद्या अभिनेत्रीचा जुना फोटो व्हायरल झाल्यानंतर चाहते काय होतीस काय झालीस तू...असंच म्हणताना दिसता.
चंद्रमुखी
मराठी सिनेसृष्टीची 'चंद्रमुखी' अर्थात अमृता खानविलकर. खरं तर अमृताच्या घरात सिनेइंडस्ट्रीत काम करणारं कोणच नव्हतं. तिला लहानपणापासूनच नृत्य आणि अभिनयाची आवड होती. त्यानंतर अमृता मुंबईत पोहोचली. २००४ मध्ये अमृतानं इंडियाज् बेस्ट सिनेस्टार की खोज या कार्यक्रमात भाग घेतला आणि तिथून तिच्या फिल्मी करिअरला सुरुवात झाली. त्यानंतर तिनं हिंदी आणि मराठी सिनेसृष्टीत पाय ठेवला. मराठी चित्रपट मालिकांध्ये तिनं लक्षात राहतील अशा भूमिका साकारल्या.
पुष्पवल्ली
अभिज्ञाचा हा जुना फोटो पाहून चाहत्यांनी विविध प्रतिक्रिया दिल्या आहेत. कामाबद्दल बोलायचं झालं तर, लग्न झाल्यानंतर अभिज्ञा पुन्हा काम करणार की नाही, अशी चर्चा सुरू झाली. अभिनयातून ब्रेक घेणार नसल्याचं अभिज्ञानं यापूर्वीच सांगितलं होतं. छोट्या विश्रातीनंतर मात्र ही अभिनेत्री पुन्हा एकदा चाहत्यांसमोर आली आहे. तू तेव्हा तशी या मालिकेत ती पुष्पवल्ली ही भूमिका साकारतेय. याविषयी अभिज्ञा म्हणते, 'प्रेक्षकांनी मला आजवर अनेक नकारात्मक भूमिकांमध्ये पाहिलंय आणि माझ्या प्रत्येक भूमिकेवर भरभरून प्रेम केलं. पण 'तू तेव्हा तशी'मधली भूमिका खूपच वेगळी आहे. मी या मालिकेत पुष्पवल्ली नावाची भूमिका निभावतेय. पुष्पवल्लीला पाहताना प्रेक्षकांना नक्कीच मजा येत असेल याची मला खात्री आहे.'
अशी दिसायची 'शालिनी'
माधवी निमकर अनेक वर्ष चित्रपटसृष्टीत काम करतेय. मराठीबरोबरच हिंदी मालिकांमध्येही तिनं काम केलं आहे. माधवी 'सुख म्हणजे नक्की काय असतं' मालिकेतून प्रेक्षकांच्या भेटीला येत आहे. तिचं 'शालिनी' हे पात्र प्रेक्षकांच्या पसंतीस उतरत असून तिचा सोशल मीडियावरही मोठा चाहता वर्ग आहे. माधवीने आतापर्यंत अनेक सिनेमे आणि मालिकांमध्ये काम केलं. यातही तिने 'अवघाची संसार', 'जावई विकत घेणे', 'स्वप्नांच्या पलीकडे' या मालिकांमध्ये काम केलं. तर 'संघर्ष', 'नवरा माझा भवरा', 'सगळं करून भागलं', 'धावाधाव', 'बायकोच्या नकळत' या सिनेमांमध्येही तिने काम केलं आहे.
संजनाचा जुना फोटो व्हायरल
रुपाली भोसले अनेक वर्ष चित्रपटसृष्टीत काम करतेय. मराठीबरोबरच हिंदी मालिकांमध्येही तिनं काम केलं आहे. सुमित राघवन यांच्यासोबत 'बडी दूर से आये है' ही तिची मालिका प्रचंड गाजली होती.रुपाली 'एका पेक्षा एक' या रिअॅलिटी शोमध्ये सहभागी झाली होती. 'मन उधाण वाऱ्याचे', 'कन्यादान' अशा अनेक मालिकांमध्ये तिनं काम केलं आहे. सध्या ती 'आई कुठे काय करते' या मालिकेत संजनाची भूमिका साकारत आहे. रुपालीचा हा जुना फोटो सोशल मीडियावर प्रचंड व्हायरल झाला आहे.