मुलगी पास झाली, भाऊ कदम भावुक झाला!

मटा ऑनलाइन वृत्त । मुंबई

अवघ्या महाराष्ट्राचा लाडका अभिनेता भाऊ कदमची मुलगी मृण्मयी दहावीच्या परीक्षेत फर्स्ट क्लासने उत्तीर्ण झाली आहे. तिच्या या यशाचं सेलिब्रेशन करताना 'चला हवा येऊ द्या'ची टीम भलतीच 'भाऊ'क झाली होती. या सेलिब्रेशनचा धम्माल व्हिडिओ कुशल बद्रिकेनं फेसबुकवरून शेअर केला आहे.

पोरगी पास होण्याचं सुख काय असतं ते भाऊ कदमला विचारा, असं कुशल भारावलेल्या सुरात म्हणतो आणि त्यावर भाऊची भावुक प्रतिक्रिया, भारत गणेशपुरेची मजेशीर टिप्पणी आणि पेढ्यांच्या बॉक्सची पळवापळवी 'स्किट'मध्ये रंगत आणते. तुम्हीही एन्जॉय करा हे सेलिब्रेशन.......