मनवीर ठरला 'बिग बॉस १०' चा विजेता

मटा ऑनलाइन वृत्त । मुंबई

‘बिग ब्रदर’ या परदेशी रिअॅवलिटी शोवर आधारित ‘बिग बॉस’ या भारतीय शोच्या १० व्या पर्वाचे जेतेपत मनवीर गुर्जरने पटकावले आहे. बानी, लोपा, मनवीर आणि मनू हे चौघेजण अंतिम फेरीत दाखल झाले होते. पण मनू पंजाबीने दहा लाख रुपये घेत अंतिम फेरीमधून बाहेर पडला. त्यामुळे बानी, मनवीर आणि लोपामुद्रा या तिघांमध्ये विजेतेपदासाठी चुरस होती. यात लोपामुद्रा तिसऱ्या क्रमांकावर राहिली तर बानीला मागे टाकत मनवीरने विजेतेपदावर आपले नाव कोरले. इंडियावाल्यांच्या टीमचा सदस्य असलेल्या मनवीर गुर्जरला सलमान खानच्या माध्यमातून ‘बिग बॉस’ने विजेता घोषित केले, त्याला ट्राफी आणि ४० लाख रुपयांचे बक्षीस देण्यात आले. मनीवीरने जिंकलेल्या रक्कमेपैकी ५० टक्के रक्कम सलमान खानच्या बिर्इंग ह्युमन या संस्थेला दान केली.

बिग बॉसचा विजेता कोण होणार याची मागील काही दिवसांपासून चर्चा सुरू होती. बानीच विजेती ठरले अशी चर्चा सोशल मिडियावर होती. दरम्यान यावेळीही मागील पर्वाची पुनरावृत्ती होऊ शकते असा अंदाज व्यक्त केला जात होता. मागील वर्षी अंतिम फेरीमध्ये किश्वर मर्चेंटने ‘टिकेट टू फिनाले’ या टास्क दरम्यान अंतिम फेरीत माघार घेतली होती. नेमका हाच प्रकार यंदा झाला. मागील वेळी ‘बिग बॉस’ सोडण्यासाठी किश्वरवर दबाब टाकण्यात आला होता. मात्र यंदा मनूने स्वत:हून बिग बॉस सोडण्याचा निर्णय घेतला. त्याने दहा लाख घेत अंतिम स्पर्धेतून आपले नाव मागे घेतले.

मनूने माघार घेतल्यानंतर बिग बॉसमध्ये केवळ तीन स्पर्धक उरले होते. मात्र, सुरुवातीपासून मनवीरचे पारडे जड वाटतं होते. अगदी गुगल सर्चपासून तर चर्चांमध्येही मनवीरच बिग बॉसचा विजेता ठरले अशी शक्यता वर्तवण्यात येत होती. गुगलमध्ये सर्च केल्या जाणाऱ्या स्पर्धकांच्या यादीत मनवीर अव्वल स्थानी होता तर लोपामुद्रा राऊत दुसऱ्या स्थानी होती. तर सोशल मिडियावरील चर्चेनुसार बानी विजेती ठरेल असेही सांगण्यात येत होते. या शोमधील सर्वात लोकप्रिय स्पर्धक बानी फर्स्ट रनर अप तर लोपा सेकंड रनर अप ठरली.

बिग बॉसच्या फिनालेमध्ये प्रियांका जग्गा आणि स्वामी ओम सोडून सर्व अन्य स्पर्धक सामील झाले होते. ‘बिग बॉस’च्या फिनालेमध्ये हृतिक रोशन आणि यामी गौतम यांनी हजेरी लावली होती. बिग बॉसच्य दहाव्या पर्वाच्या फिनालेची सुरुवात सलमान खानच्या डान्सच्या जबरदस्त डान्सने झाली.