ससुराल सिमर का' फेम दीपिका दिसणार 'बिग बॉस-१२' मध्ये

मुंबई:

कलर्स वाहिनीवरील 'ससुराल सिमर का' फेम अभिनेत्री दीपिका कक्कड़ लवकरच मोठ्या पडद्यावर पदार्पण करण्याच्या तयारीत आहे. दीपिका जे.पी. दत्ता दिग्दर्शित 'पलटन' मधून डेब्यू करणार आहे. पण सोशल मीडियावर नेहमीच सक्रिय असणारी ही अभिनेत्री सध्या एका वेगळ्याच कारणाने चर्चेत आहे. रिअलिटी शो बिग बॉसच्या १२ व्या पर्वात सहभागी होण्यासाठी दीपिकाने चक्क हिना खानच्या दुप्पट मानधन मागितल्याची सर्वत्र चर्चा आहे.

सर्वाधिक वादग्रस्त रिअलिटी शो बिग बॉसच्या १२ व्या पर्वात दीपिका सहभागी होणार असल्याचे बोलले जात आहे. या शोचा लॉन्चिंग सोहळा नुकताच गोव्यात धडाक्यात पार पडला. पण दीपिकाने या शोसाठी हिना खानपेक्षा दुप्पट मानधन मागितल्याचे बोलले जात आहे. माहितीनुसार, दीपिकाने या शोसाठी एक आठवड्याचे १४ ते १६ लाख रुपये मानधनाची मागणी केल्याचे बोलले जात आहे. बिग बॉसच्या ११व्या पर्वाची उपविजेती स्पर्धक हिना खानने या शोसाठी ७ ते ८ लाख रुपये मानधन घेतले होते.