वीणासोबत ब्रेकअपनंतर शिव ठाकरे पुन्हा प्रेमात? तो व्हिडिओ व्हायरल

मुंबई: टीव्ही रिअॅलिटी शोमधून शिव ठाकरे हा मराठमोळा चेहरा पुढं आला. मराठी बिग बॉसचं विजेतेपद पटकावल्यानंतर शिवला गाण्यांपासून सीरीजपर्यंत विविध गोष्टींसाठी विचारणा होत आहे. बिग बॉसच्या घरातून बाहेर पडल्यानंतर शिवचं खासगी आयुष्यचही प्रचंड चर्चेत आहे. बिग बॉसच्या घरात त्याचं नाव अभिनेत्री वीणा जगताप हिच्यासोबत जोडलं गेलं.

शिव आणि वीणा ही प्रेक्षकांची आवडती जोडी होती.दोघांच्या लव्हस्टोरीचे अनेक किस्से चर्चेत आले. बिग बॉसच्या पत्रकार परिषदेतही दोघांनी लग्नाबद्दल गप्पा मारल्या. बिग बॉसच्या घरातून बाहेर आल्यानंतरी अनेकदा दोघं एकत्र आल्याचं दिसून आलं. दोघांनी काश्मीर ट्रीपही एकत्र केली होती. त्यानंतर गोवा ट्रीपचे फोटो दोघांनी शेअर केले होते. पण अचानक दोघांनीही एकमेकांसोबत फोटो शेअर करणं बंद झालं. कुठेही एकत्र दिसले नाहीत. त्यामुळं दोघांच्या ब्रेकअपच्या चर्चा रंगल्या. त्यात वीणानं शिवच्या नावाचा टॅटूही काढून टाकला. त्यामुळं दोघांच्या ब्रेकअपवर शिक्कामोर्तब झालं होतं.
आता पुन्हा एकदा शिवची लव्ह लाइफ चर्चेत आली आहे. त्यानं एक व्हिडिओ शेअर केलाय. या तो 'तिला' भेटायला चालला आहे, पहिल्या भेटीसाठी उत्सुक असल्याचं दिसून येतंय. असा हा व्हिडिओ शिवनं शेअर केल्यानंतर चर्चेला उधाण आलं आहे. शिव पुन्हा प्रेमात पडलाय का? असा प्रश्न त्याचे चाहते विचारत आहेत.


शिवच्या या व्हिडिओमुळं सोशल मीडियावर आणखी एका गोष्टीची चर्चा सुरू आहे, ती म्हणजे, एखाद्या अल्बमसाठी हा स्टंट असावा, असंही काही जणांनी म्हटलं आहे.