‘कलाकार म्हणजे गुलाम आहेत का?’ टीव्हीस्टार दिव्यांकाच्या या ट्विटमुळे टीव्हीविश्वात एकच खळबळ उडाली. सिंटानंही याबाबत आवाज उठवल्यानंतर टीव्ही मालिकांच्या शूटिंगसाठी कलाकारांना दिलासा देणारे नवीन नियम लागू होताहेत. याची सुरुवात केलीय स्टार नेटवर्कनं…
बारा तासांहूनही अधिक काळ चालणाऱ्या शिफ्ट्स, आठवड्याचे सातही दिवस चालणारं काम, केलेल्या कामाचा मोबदला वेळच्या वेळी न मिळणं अशा अनेक समस्यांना टीव्ही कलाकार-तंत्रज्ञांना सामोरं जावं लागतं. यावरुनच गेल्या आठवड्यात टीव्हीस्टार दिव्यांका त्रिपाठी-दहियानं केलेलं ट्विट टीव्हीच्या दुनियेत चर्चेचा विषय ठरलं. सिने अँड टीव्ही आर्टिस्ट्स असोसिएशननेही (सिंटा) याबाबत पुन्हा एकदा आवाज उठवला असून त्यांच्या प्रयत्नांना यश येताना दिसतंय. स्टार नेटवर्कनं याबाबत एक ठोस पाऊल उचललं आहे. दहा तासांची शिफ्ट, आठवड्यातून सहा दिवस चालणारं शूटिंग असे काही निर्णय त्यांनी घेतले आहेत. त्यांचे हे बदल या महिन्यापासून लागू होणार आहेत. इतरही चॅनेल्स याचं लवकरच अनुकरण करतील अशी अपेक्षा व्यक्त होतेय.
सेटवर कलाकारांना मिळणाऱ्या चुकीच्या वागणुकीविरोधात दिव्यांकानं आवाज उठवला. 'नवीन कलाकार किंवा इतरही कलाकार गुलाम आहेत का? टीव्ही सेट्सवर त्यांना इतकी वाईट वागणूक का दिली जाते?' असा सवाल तिनं उपस्थित केला होता. कलाकारांच्या हितासाठी काम करणाऱ्या सिंटानं याबाबत पावलं उचलल्यानंतर स्टार नेटवर्कनं त्याला सकारात्मक प्रतिसाद दिला आहे. स्टार चॅनेल्सवर दाखवल्या जाणाऱ्या मालिकांचं शूटिंग आठ्वड्यातून सहा दिवस चालणार असून, दिवसाची शिफ्ट ही केवळ दहा तासांची ठेवण्यात येईल. यामुळे कलाकारांना त्याचं खासगी जीवन, त्यांचं आरोग्य जपता येईल. कलाकारांवरील ताण हलका करण्यासाठी प्रयत्न होत असून स्टारचा हा निर्णय त्यादृष्टीनं एक महत्त्वाचं पाऊल आहे. इतरांनीही याचं अनुकरण केलं पाहिजे, असं सिंटातर्फे सांगण्यात आलं.
पहिलं पाऊल आश्वासक
आजवर कलाकारांना सेटवर मिळणारी वागणूक ही चुकीचीच आहे. ती सुधारण्यासाठी आम्ही सर्वतोपरी प्रयत्न करत आहोत. सिंटाच्या सांगण्यावरून स्टार नेटवर्कनं उचललेलं पहिलं पाऊल आश्वासक आहे. यापुढे इतर चॅनेल्सनंही यावर विचार करायला हवा.
- सुशांत सिंह, सरचिटणीस (सिंटा)
दोन वर्षांत तीन कोटी वसूल
सेटवर दिवस-रात्र मेहनत करणाऱ्या अनेक कलाकारांचे पैसे काही प्रोडक्शन हाऊसेसकडून रखडवले जातात. अशावेळी ते ट्रेड युनियन असलेल्या ‘सिंटा’कडे मदतीसाठी येतात. या प्रकरणांमध्ये तक्रार निवारण समितीने लक्ष घालून गेल्या दोन वर्षांत कलाकारांचे तीन कोटी रुपये वसूल करून दिल्याची माहिती ‘सिंटा’चे सरचिटणीस सुशांत सिंह यांनी दिली आहे.
बारा तासांहूनही अधिक काळ चालणाऱ्या शिफ्ट्स, आठवड्याचे सातही दिवस चालणारं काम, केलेल्या कामाचा मोबदला वेळच्या वेळी न मिळणं अशा अनेक समस्यांना टीव्ही कलाकार-तंत्रज्ञांना सामोरं जावं लागतं. यावरुनच गेल्या आठवड्यात टीव्हीस्टार दिव्यांका त्रिपाठी-दहियानं केलेलं ट्विट टीव्हीच्या दुनियेत चर्चेचा विषय ठरलं. सिने अँड टीव्ही आर्टिस्ट्स असोसिएशननेही (सिंटा) याबाबत पुन्हा एकदा आवाज उठवला असून त्यांच्या प्रयत्नांना यश येताना दिसतंय. स्टार नेटवर्कनं याबाबत एक ठोस पाऊल उचललं आहे. दहा तासांची शिफ्ट, आठवड्यातून सहा दिवस चालणारं शूटिंग असे काही निर्णय त्यांनी घेतले आहेत. त्यांचे हे बदल या महिन्यापासून लागू होणार आहेत. इतरही चॅनेल्स याचं लवकरच अनुकरण करतील अशी अपेक्षा व्यक्त होतेय.
सेटवर कलाकारांना मिळणाऱ्या चुकीच्या वागणुकीविरोधात दिव्यांकानं आवाज उठवला. 'नवीन कलाकार किंवा इतरही कलाकार गुलाम आहेत का? टीव्ही सेट्सवर त्यांना इतकी वाईट वागणूक का दिली जाते?' असा सवाल तिनं उपस्थित केला होता. कलाकारांच्या हितासाठी काम करणाऱ्या सिंटानं याबाबत पावलं उचलल्यानंतर स्टार नेटवर्कनं त्याला सकारात्मक प्रतिसाद दिला आहे. स्टार चॅनेल्सवर दाखवल्या जाणाऱ्या मालिकांचं शूटिंग आठ्वड्यातून सहा दिवस चालणार असून, दिवसाची शिफ्ट ही केवळ दहा तासांची ठेवण्यात येईल. यामुळे कलाकारांना त्याचं खासगी जीवन, त्यांचं आरोग्य जपता येईल. कलाकारांवरील ताण हलका करण्यासाठी प्रयत्न होत असून स्टारचा हा निर्णय त्यादृष्टीनं एक महत्त्वाचं पाऊल आहे. इतरांनीही याचं अनुकरण केलं पाहिजे, असं सिंटातर्फे सांगण्यात आलं.
पहिलं पाऊल आश्वासक
आजवर कलाकारांना सेटवर मिळणारी वागणूक ही चुकीचीच आहे. ती सुधारण्यासाठी आम्ही सर्वतोपरी प्रयत्न करत आहोत. सिंटाच्या सांगण्यावरून स्टार नेटवर्कनं उचललेलं पहिलं पाऊल आश्वासक आहे. यापुढे इतर चॅनेल्सनंही यावर विचार करायला हवा.
- सुशांत सिंह, सरचिटणीस (सिंटा)
दोन वर्षांत तीन कोटी वसूल
सेटवर दिवस-रात्र मेहनत करणाऱ्या अनेक कलाकारांचे पैसे काही प्रोडक्शन हाऊसेसकडून रखडवले जातात. अशावेळी ते ट्रेड युनियन असलेल्या ‘सिंटा’कडे मदतीसाठी येतात. या प्रकरणांमध्ये तक्रार निवारण समितीने लक्ष घालून गेल्या दोन वर्षांत कलाकारांचे तीन कोटी रुपये वसूल करून दिल्याची माहिती ‘सिंटा’चे सरचिटणीस सुशांत सिंह यांनी दिली आहे.