मु्ंबई : कपिल शर्मा शुक्रवारी पुन्हा चर्चेत आला. त्याने मीडिया आणि सिनेजगतात खळबळ उडवून देणारे टि्वट्स पोस्ट केले. आपले दोन माजी मॅनेजर आणि एका पत्रकाराला कपिल शर्माने टि्वटरवरून शिव्यांची लाखोली वाहिली. या टि्वट्सनंतर त्याने आपले माजी मॅनेजर निती, प्रीती आणि त्या पत्रकारावर पैसै घेऊन आपली बदनामी करण्याचे आरोप करत गुन्हा दाखल केला. या लोकांमुळे आपल्याला मानसिक आणि भावनिक त्रास झाल्याचे कपिलने तक्रारीत म्हटले आहे.
या सगळ्याला पार्श्वभूमी आहे ती प्रसारमाध्यमांमध्ये आलेल्या काही बातम्यांची. 'फॅमिली टाइम विथ कपिल शर्मा' हा कपिलचा नवा शो सुरू होताच एका आठवड्यात बंद पडणार आहे, अशा आशयाच्या या बातम्या होत्या. कपिलने दाखल केलेल्या तक्रारीची कॉपी कपिलने टि्वटरवर पोस्ट केली आहे आणि म्हटलंय की 'काही लोक तुम्हाला केवळ काही पैशांसाठी बदनाम करतात. पण कोणाच्या चुकीविरोधात बोलण्यासाठी वेळ निघून जातो... मी हे आज करतोय आणि नेहमी करत राहणार.'
२०१६-२०१७ मध्ये कपिलची सर्व महत्त्वाची कामे नीती आणि प्रिती पाहायच्या. नंतर त्या वेळेवर काम करत नाहीत, कपिलची प्रतिमा नीट सादर करत नाहीत अशी कारणं देत कपिलने त्यांना नोकरीवरून काढून टाकले. या दोघींना कपिलच्या व्यावसायिक आणि वैयक्तिक आयुष्यातल्याही अनेक गोष्टी ठाऊक होत्या, असं कपिलने तक्रारीत म्हटलंय.
६ महिन्यांपूर्वी कपिलच्या जवळच्या मित्राला कोणीतरी संपर्क साधून कपिलची खालावलेली प्रतिमा सुधारून देण्यासाठी मीडिया वेबसाइटने २५ लाख रुपये मागितले. कपिलने यास नकार दिला. यानंतर या वेबसाइटवर कपिलविरोधातला मजकूर येऊ लागला. त्यामुळे आपले मानसिक आणि भावनिक आरोग्य बिघडले, असेही कपिलने तक्रारीत म्हटले आहे. कपिलच्या आयुष्यातल्या लहानातल्या लहान गोष्टीला तिखटमीठ लावून ती या संकेतस्थळावर नकारात्मक पद्धतीने मांडण्यात आली. या गोष्टी केवळ प्रीती आणि नीतीलाच ठाऊक होत्या. या सर्वामुळे झालेल्या त्रासासाठी कपिलने या दोघीजणी आणि वेबसाईटच्या पत्रकाराविरोधात पोलिसांकडे तक्रार केली आहे.
या सगळ्याला पार्श्वभूमी आहे ती प्रसारमाध्यमांमध्ये आलेल्या काही बातम्यांची. 'फॅमिली टाइम विथ कपिल शर्मा' हा कपिलचा नवा शो सुरू होताच एका आठवड्यात बंद पडणार आहे, अशा आशयाच्या या बातम्या होत्या. कपिलने दाखल केलेल्या तक्रारीची कॉपी कपिलने टि्वटरवर पोस्ट केली आहे आणि म्हटलंय की 'काही लोक तुम्हाला केवळ काही पैशांसाठी बदनाम करतात. पण कोणाच्या चुकीविरोधात बोलण्यासाठी वेळ निघून जातो... मी हे आज करतोय आणि नेहमी करत राहणार.'
२०१६-२०१७ मध्ये कपिलची सर्व महत्त्वाची कामे नीती आणि प्रिती पाहायच्या. नंतर त्या वेळेवर काम करत नाहीत, कपिलची प्रतिमा नीट सादर करत नाहीत अशी कारणं देत कपिलने त्यांना नोकरीवरून काढून टाकले. या दोघींना कपिलच्या व्यावसायिक आणि वैयक्तिक आयुष्यातल्याही अनेक गोष्टी ठाऊक होत्या, असं कपिलने तक्रारीत म्हटलंय.
६ महिन्यांपूर्वी कपिलच्या जवळच्या मित्राला कोणीतरी संपर्क साधून कपिलची खालावलेली प्रतिमा सुधारून देण्यासाठी मीडिया वेबसाइटने २५ लाख रुपये मागितले. कपिलने यास नकार दिला. यानंतर या वेबसाइटवर कपिलविरोधातला मजकूर येऊ लागला. त्यामुळे आपले मानसिक आणि भावनिक आरोग्य बिघडले, असेही कपिलने तक्रारीत म्हटले आहे. कपिलच्या आयुष्यातल्या लहानातल्या लहान गोष्टीला तिखटमीठ लावून ती या संकेतस्थळावर नकारात्मक पद्धतीने मांडण्यात आली. या गोष्टी केवळ प्रीती आणि नीतीलाच ठाऊक होत्या. या सर्वामुळे झालेल्या त्रासासाठी कपिलने या दोघीजणी आणि वेबसाईटच्या पत्रकाराविरोधात पोलिसांकडे तक्रार केली आहे.