मटा ऑनलाइन वृत्त । मुंबई
'इंडियन आयडॉल'च्या ९व्या पर्वात हैदराबादचा एल.व्ही.रेवंत विजेता ठरला आहे. रेवंत, खुदा बक्श आणि पीव्हीएनएस रोहित इंडियन आयडॉलच्या ९ व्या पर्वाचे अंतिम स्पर्धेतले स्पर्धक होते. 'उडे दिल बेफिक्रे' गाण्यावर प्रेक्षकांची मने जिंकत रेवंतने या पर्वावर स्वत:चे नाव कोरले. क्रिकेटपटू सचिन तेंडुलकर याच्या हस्ते रेवंतने हा पुरस्कार स्वीकारला.
नृत्य दिग्दर्शिका फरहा खान, संगीतकार अनु मलिक आणि गायक सोनु निगम या पर्वाचे परीक्षक होते. इंडियन आयडॉलचा विजेता म्हणून रेवंतचे नाव पुकारले जाताच अनु मलिकने रेवंतला उचलून घेतले. 'यापेक्षा उत्तम काही असू शकत नाही. इंडियन आयडॉलचा विजेता होणे ही माझ्यासाठी आयुष्यातली सर्वात सुखद घटना आहे. या स्पर्धेतल्या माझ्या प्रवेशापासून अंतिम स्पर्धेपर्यंतचा प्रवास आनंद, हुरहुर, मजा, कधी निराशा, मैत्री अशा संमिश्र भावनांचा होता. मला एवढे मोठे व्यासपीठ देणाऱ्या सोनी एंटरटेन्मेंटचा मी आभारी आहे,' अशा शब्दात रेवंतने आपल्या भावना व्यक्त केल्या. अंतिम स्पर्धेच्या कार्यक्रमात केवळ गाणीच नव्हे तर सुनील ग्रोव्हर यांचे डॉ. मशूर गुलाटीचे सादरीकरण प्रेक्षकांमध्ये हशा पिकवूनही गेले.
'इंडियन आयडॉल'च्या ९व्या पर्वात हैदराबादचा एल.व्ही.रेवंत विजेता ठरला आहे. रेवंत, खुदा बक्श आणि पीव्हीएनएस रोहित इंडियन आयडॉलच्या ९ व्या पर्वाचे अंतिम स्पर्धेतले स्पर्धक होते. 'उडे दिल बेफिक्रे' गाण्यावर प्रेक्षकांची मने जिंकत रेवंतने या पर्वावर स्वत:चे नाव कोरले. क्रिकेटपटू सचिन तेंडुलकर याच्या हस्ते रेवंतने हा पुरस्कार स्वीकारला.
नृत्य दिग्दर्शिका फरहा खान, संगीतकार अनु मलिक आणि गायक सोनु निगम या पर्वाचे परीक्षक होते. इंडियन आयडॉलचा विजेता म्हणून रेवंतचे नाव पुकारले जाताच अनु मलिकने रेवंतला उचलून घेतले. 'यापेक्षा उत्तम काही असू शकत नाही. इंडियन आयडॉलचा विजेता होणे ही माझ्यासाठी आयुष्यातली सर्वात सुखद घटना आहे. या स्पर्धेतल्या माझ्या प्रवेशापासून अंतिम स्पर्धेपर्यंतचा प्रवास आनंद, हुरहुर, मजा, कधी निराशा, मैत्री अशा संमिश्र भावनांचा होता. मला एवढे मोठे व्यासपीठ देणाऱ्या सोनी एंटरटेन्मेंटचा मी आभारी आहे,' अशा शब्दात रेवंतने आपल्या भावना व्यक्त केल्या. अंतिम स्पर्धेच्या कार्यक्रमात केवळ गाणीच नव्हे तर सुनील ग्रोव्हर यांचे डॉ. मशूर गुलाटीचे सादरीकरण प्रेक्षकांमध्ये हशा पिकवूनही गेले.