'आईला गमावण्याचे दुःख हे कधीही...', मन उडू उडू फेम अभिनेत्याला मातृशोक

मुंबई- 'मन उडू उडू झालं' ही छोट्या पडद्यावरील सर्वात लोकप्रिय मालिका आहे. तरुणाईमध्ये या मालिकेची क्रेझ सर्वात जास्त पाहायला मिळते. या मालिकेने सुरू झाल्यापासून टीआरपीच्या स्पर्धेतही विविध मालिकांना मागे टाकले आहे. इंद्रा आणि दिपूच्या हटके लव्ह स्टोरीला प्रेक्षकांनी भरभरुन प्रतिसाद दिला. मालिकेत सध्या लगीन घाई दाखवण्यात येत आहे. दिपू- इंद्राच्या आयुष्यात सारंकाही आलबेल चाललेलं दाखवलं जात असताना, मालिकेत नयन कानविंदे ही भूमिका साकारणारा अभिनेता अमित परब याच्या खासगी आयुष्यात मात्र मोठं वादळ आलं आहे. अमितच्या आईचे नुकतेच निधन झाले. गेल्या अनेक दिवसांपासून त्या आजारी होत्या.

गश्मीर महाजनीचा स्वार्थ! एका फायद्यासाठी स्वीकारली ऑफर

अमितची आई गेल्या काही दिवसांपासून आजारा होत्या आणि त्यांच्यावर उपचार सुरू होते. मात्र २० जुलै रोजी त्यांची प्राणज्योत मालवली. अमितने आपल्या आईच्या आठवणीत एक भावुक पोस्ट शेअर केली आहे. त्याने इन्स्टाग्रामवर आईसोबतचा फोटो शेअर करत मनातील भावनांना वाट करून दिली.


अमित परब याची पोस्ट

जड अंतःकरणाने अमितने लिहिले की, 'प्रत्येक मुलाच्या आयुष्यात आईला गमावण्याचे दुःख हे कधीही भरुन न येणारे असते. गेल्या २८ वर्षात तू मला शिकवलेली मूल्य आणि नैतिकता यामुळे तू माझ्यात कायमच राहशील. तू खरी लढाऊ आहेस पण नियतीच्या मनात काहीतरी वेगळेच होते. मी फक्त देवाच्या इच्छेला सहमती दिली कारण त्याने मला खात्री दिली की, त्याने त्याच्यासाठी दुसर्‍या बाजूने आणखी चांगल्या गोष्टींची योजना आखली आहे.

मिलिंदने १०० फूट खोल समुद्रात पत्नीसह मारली उडी, पाण्यातही कपलचा रोमँटिक अंदाज

जर मी तुला तुझ्या भल्यासाठी जाऊ दिले नसते तर ते माझ्यासाठी स्वार्थाचे ठरले असते. मला आनंद आहे की माझा अभिमान वाटेल असं मी करून दाखवलं. आता इथून पुढे मी पुढच्या प्रवासात तुझ्यासोबत नसेन. म्हणून कृपया स्वतःची काळजी घे आणि पुरेशी विश्रांती घे. पुढच्या जन्मातही माझी आई म्हणून तूच असावी यासाठी देवाकडे प्रार्थना केली आहे. मी पुन्हा तुझ्या गर्भात येण्याची आणि तो क्षण अनुभवण्याची प्रतीक्षा करत आहे. तोपर्यंत कृपया विश्रांती घे. तुझ्या सोनूकडून खूप खूप प्रेम.'


मालिकेतील अमितने नयन कानविंदे ही नकारात्मक व्यक्तिरेखा अगदी चपखल बजावली आहे. नकारात्मक भूमिका असूनही अमितला प्रेक्षकांचं तेवढंच प्रेम मिळालं. अमितने एम.बी.ए. चं शिक्षण घेतलं असून तो कॉर्पोरेट क्षेत्रात कार्यरत आहे. बाबांची सरकारी नोकरी आणि आई गृहिणी असल्यामुळे घरामध्ये अभिनयाची पार्श्वभूमी नाही. आपली नोकरी सांभाळून अमित 'मन उडू उडू झालं' मालिकेत अभिनयाची आवड जोपासताना दिसला. अभिनय क्षेत्रात काम करून अमितने त्याच्या आईचं स्वप्न पूर्ण केलं.