बहीण असावी तर अशी! मृण्मयीनं गौतमीला दिला इतका महागडा फोन,Insta story एकदा पाहाच

मुंबई: मराठी सिनेसृष्टीत देशपांडे बहिणींची नेहमीच चर्चा असते. ही अभिनेत्री-बहिणींची जोडी म्हणजे मृण्मयी आणि गौतमी देशपांडे. विविध माध्यमांतून दोघी जणी प्रेक्षकांच्या भेटीला येत असतात. त्या दोघीही सोशल मीडियावर सक्रिय असतात. त्यांच्या कामाबद्दलच्या अपडेट्ससह त्या एकमेकींचे भन्नाट व्हिडीओजसुद्धा त्या पोस्ट करत असतात.

मृण्मयी आणि गौतमी या दोघींचं एकमेकींवर खूप प्रेम आहे, हे तर सर्वश्रुत आहेच. दोघी एकमेंकीसाठी वाट्टेल ते करायलाही तयार असतात. मृण्मयी मोठी बहिण असल्यानं ती गौतमीचे लाड देखीतल तितकेच करते. आता मृण्मयीनं गौतमीला एक खास गोष्ट गिफ्ट केली आहे. मृण्मयीनं गौतमीला आयफोन गिफ्ट केला आहे. या आयफोनची किंमत एक लाखाच्यावर असल्याचं म्हटलं जात आहे.

गौतमीनं इन्स्टास्टोरीवर एक खास स्टोरी शेअर केली आहे. यात तिनं आयफोन प्रोचा फोटो शेअर केलाय. तर या गिफ्टसाठी मृण्मयीला थॅंक्यू म्हटलं आहे. ही स्टोरी मृण्मयीनं देखील शेअर केली आहे. स्टोरी शेअर करताना तिनं मजेशीर कॅप्शनही लिहिलं आहे. 'यासाठी आता मला नवीन कामं शोधली पाहिजेत, लई खुट्टा पडलाय'...असं तिनं म्हटलं आहे.