TRPच्या रेसमध्ये अग्गबाई सासुबाईची बाजी

मुंबई: करोना व्हायरसमुळं सध्या अनेकांनी घरी राहणं पसंत केलं आहे. त्यामुळं मनोरंजानासाठी टीव्ही आणि मोबाइल शिवाय पर्याय नाहीए. त्यामुळं टीव्हीचा प्रेक्षक वर्ग देखील वाढला आहे. याचा फायदा अग्गबाई सासुबाई या मालिकेला पाहायला मिळाला आहे. टीआरपीच्या स्पर्धेत या मालिकेनं या गेल्या आठवड्यात सर्वात वरचा क्रमांक पटकला असून पहिल्या क्रमांकावर झेप घेतली आहे.

अग्गबाई सासुबाई या मालिकेत सध्या अनेक ट्विस्ट आणि टर्न पाहायला मिळत आहेत. त्याचाच फायदा टीआरपी खेचून घेण्यासाठी झालेला पाहायला मिळत आहे. या मालिकेची सध्या घराघरांत चर्चा आहे. आसावरी आणि अभिजीत राजे यांच्या लग्नानंतर मालिका नव्या वळणावर येऊन पोहोचली आहे. आसावरी- अभिजीत राजेंचा संसाराला सुरुवात होत आहे तर, एकीकडं सोहम आणि शुभ्राचा संसार तुटण्याच्या मार्गावर आहे. मालिकेत सध्या सोहम आणि प्रज्ञा यांच्यात काही तरी सुरू असल्याचं दाखवण्यात येत आहे.

मालिकेत नुकताच धुळवड स्पेशल एपिसोड दाखवण्यात आला. या भागात शुभ्रा सोहम आणि प्रज्ञाला एकत्र पाहते. यासर्व प्रकाराबद्दल शुभ्रा सोहमवर जाब विचारते. त्या दोघांमध्ये वाद सुरू होतो. सोहमचा राग टोकाला पोहोचतो आणि तो तिच्यावर हात उचलण्याचा प्रयत्न करतो तेवढ्यात आसावरी येते सोहमचा हात पकडते आणि त्याला थांबवते. सोहमनं शुभ्रावर हात उचलण्याचा प्रयत्न केल्यामुळं आसावरीच्या रागाचा पाराही वाढतो आणि ती सोहमच्या कानशिलात लगावते. नेहमीच सोबमच्या चुकींवर पांघरुण घालणाऱ्या आसावरीचा हा रुद्रावतार प्रेक्षकांना पाहायला मिळाला. या भागाची सोशल मीडियावर देखील प्रचंड चर्चा झाली. आता अभिजीत राजे सोहमला सरळ करण्यासाठी आसावरीच्या घरी राहायला आले आहेत. त्यामुळं या मालिकेबद्दल प्रेक्षकांमध्ये उत्सुकता निर्माण झाली आहे


.तापसीपेक्षा आसावरीच्या 'थप्पड'ची अधिक चर्चा

दुसऱ्या क्रमांकावर माझ्या नवऱ्याची बायका ही मालिका आहे. तर 'चला हवा येऊ द्या' तिसऱ्या क्रमांकावर आहे. मिसेसे मुख्यमंत्री ही मालिकेा टीआरपीच्या स्पर्धेत चौथ्या स्थानावर आहे. तर 'रात्रीस खेळ चाले-२' ही मालिका पाचव्या स्थानावर आहे.

अंकुर वाढवेनं खरेदी केली त्याची पहिली चारचाकी गाडी