अरे चाललंय तरी काय? मास्टर शेफ टॉप ४ स्पर्धकांची ती पोस्ट चॅनेलनं केली डिलिट, काय आहे नेमकं कारण

मुंबई: मास्टर शेफ ऑफ इंडिया चं सातवं पर्व आता शेवटच्या टप्प्यात आलं आहे. लवकरच या सीझनचा विजेता घोषित होणार आहे. पण त्यापूर्वी सोनी टीव्हीच्या सोशल मीडिया अकाऊंटवर टॉप ४ स्पर्धकांची पोस्ट शेअर करण्यात आली होती. पण आता ती डिलिट करण्यात आली आहे. त्यामुळं पुन्हा एकदा चर्चा सुरू झाली आहे.

या शोमध्ये सहाभागी झालेले स्पर्धक कुणी होम बेकर आहे, तर कोण गृहिणी तर कोणाला स्वत:चं कॅफे उघडायचं आहे. असे अनेक होम शेफ मास्टर शेफ इंडियाच्या किचनमध्ये पाककला सादर करताना दिसतात. पारंपरिक पदार्थांना मॉर्डन टच देण्यावर या स्पर्धकांचा कल असतो. पण या शोवर प्रेक्षक नाराज असल्याचं दिसून आलं . काही स्पर्धांना परिक्षकांकडून जरा जास्तच पाठिंबा दिला जातोय, तर काहींवर अन्याय केला जातोय, शोमध्ये प्रचंड भेदभाव होत असल्याचं प्रेक्षकांनी म्हटलं होतं.

सोनी टीव्हीकडून शेअर करण्यात आलेल्या या पोस्टमध्ये चार स्पर्धक आहेत. त्यामध्ये नयनज्योती, अरुणा, सुवर्णा आणि शांता आहेत. यानुसार केडीके आणि गुरकीरत या स्पर्धेतून बाहेर गेल्याचं स्पष्ट झालं आहे. पण नंतर चॅनेलकडून ही पोस्ट डिलिट करण्यात आली आहे.

अगं खरंच नाही जमलंय...दीपाचं 'बहरला हा मधुमास..' डान्स पाहून नेटकऱ्यांनी उडवली खिल्ली

पहिली टॉप ५ स्पर्धक
आसामचीच शांता या स्पर्धेतली पहिल्या टॉप ५ स्पर्धकांमध्ये पोहोचलेली स्पर्धक आहे.


हा आहे विजेता?
मास्टर शेफ ऑफ इंडिया ७ चा विजेता कोण होणार? हे येत्या काही दिवसांतच प्रेक्षकांना अधिकृतपणे कळणार आहे, पण त्यापूर्वी एक फोटो सोशल मीडियावर व्हायरल झाला होता. हा फोटो पाहून सोशल मीडियावर चर्चेला उधाण आलं, आसामचा नयनज्योती यानं या ७व्या पर्वाचं विजेतेपद पटकावलं असल्याचं म्हटलं जात आहे. त्याचा एक फोटो सोशल मीडियावर व्हायरल झाला आहे. या फोटोमध्ये नयनज्योतीच्या हातात मास्टरशेफ इंडिया ७ची ट्रॉफी तसंच गोल्डन शेफ कोट परिधान केला आहे. या फोटो व्हायरल झाल्यानंतर प्रेक्षकांनी त्याच्या फोटोवर कमेंट करत आनंद व्यक्त केलाय.

सीझन वादातदरम्यान,मास्टर शेफचा हा सीझन प्रचंड वादात सापडला आहे. स्पर्धकांमध्ये भेदभाव केल्याचं प्रेक्षकांनी म्हटलं आहे.