मटा ऑनलाइन वृत्त । मुंबई
'शोधलं की सापडतंच', असं म्हणणारी खासगी गुप्तहेर अस्मिता प्रभाकर अग्निहोत्रीनं अर्थात अभिनेत्री मयुरी वाघनं एक मोठ्ठी 'केस' सोडवलीय. अहो, तिनं 'रिअल लाइफ'मधील आपला जीवनसाथी शोधलाय. विशेष म्हणजे, 'अस्मिता' या मालिकेतच तिला हा 'लाइफ पार्टनर' सापडला. तो दुसरा-तिसरा कुणी नसून, मालिकेतील तिचा नवरा अभि - म्हणजेच अभिनेता पियुष रानडे आहे. मयुरी-पियुषचा साखरपुडा नुकताच झाला असून पुढच्या वर्षी त्यांची लगीनगाठ बांधली जाणार आहे.
'अस्मिता' मालिकेतील अस्मिता-अभिची जोडी सगळ्यांनाच खूप आवडली होती. मालिकेतील त्यांचं बॉण्डिंग पाहून, या दोघांनी रिअल लाइफमध्येही लग्न करावं, असं त्यांच्या अनेक चाहत्यांना वाटत होतं. काहींनी तर ही इच्छा मयुरी-पियुषकडेही व्यक्त केली होती. त्यानंतरच, या दोघांमधील मैत्रीचं रूपांतर प्रेमात झालं आणि आता ते एकमेकांशी साता जन्माच्या गाठी बांधणार आहेत.
पियुषने त्याच्या इन्स्टाग्राम अकाउंटवरून आपल्या साखरपुड्याच्या फोटो शेअर केला आहे. त्यावर लाइक्स आणि शुभेच्छांचा पाऊस पडला आहे.
गेल्या दोन वर्षांपासून आम्ही एकत्र काम करत आहोत. या काळात आम्ही एकमेकांचे खूप चांगले मित्र बनलो. कोणतीही गोष्ट, सिक्रेट, सुख-दु:ख आम्ही एकमेकांशी शेअर करू शकतो. अशा मित्राच्याच प्रेमात पडल्याची आणि त्याच्यासोबत पूर्ण आयुष्य घालवता येणार असल्याची भावना खूप सुखद आहे, असं मयुरीनं आनंदानं सांगितलं.
'शोधलं की सापडतंच', असं म्हणणारी खासगी गुप्तहेर अस्मिता प्रभाकर अग्निहोत्रीनं अर्थात अभिनेत्री मयुरी वाघनं एक मोठ्ठी 'केस' सोडवलीय. अहो, तिनं 'रिअल लाइफ'मधील आपला जीवनसाथी शोधलाय. विशेष म्हणजे, 'अस्मिता' या मालिकेतच तिला हा 'लाइफ पार्टनर' सापडला. तो दुसरा-तिसरा कुणी नसून, मालिकेतील तिचा नवरा अभि - म्हणजेच अभिनेता पियुष रानडे आहे. मयुरी-पियुषचा साखरपुडा नुकताच झाला असून पुढच्या वर्षी त्यांची लगीनगाठ बांधली जाणार आहे.
'अस्मिता' मालिकेतील अस्मिता-अभिची जोडी सगळ्यांनाच खूप आवडली होती. मालिकेतील त्यांचं बॉण्डिंग पाहून, या दोघांनी रिअल लाइफमध्येही लग्न करावं, असं त्यांच्या अनेक चाहत्यांना वाटत होतं. काहींनी तर ही इच्छा मयुरी-पियुषकडेही व्यक्त केली होती. त्यानंतरच, या दोघांमधील मैत्रीचं रूपांतर प्रेमात झालं आणि आता ते एकमेकांशी साता जन्माच्या गाठी बांधणार आहेत.
पियुषने त्याच्या इन्स्टाग्राम अकाउंटवरून आपल्या साखरपुड्याच्या फोटो शेअर केला आहे. त्यावर लाइक्स आणि शुभेच्छांचा पाऊस पडला आहे.
गेल्या दोन वर्षांपासून आम्ही एकत्र काम करत आहोत. या काळात आम्ही एकमेकांचे खूप चांगले मित्र बनलो. कोणतीही गोष्ट, सिक्रेट, सुख-दु:ख आम्ही एकमेकांशी शेअर करू शकतो. अशा मित्राच्याच प्रेमात पडल्याची आणि त्याच्यासोबत पूर्ण आयुष्य घालवता येणार असल्याची भावना खूप सुखद आहे, असं मयुरीनं आनंदानं सांगितलं.