मुंबई: अभिनेत्री केतकी चितळे हिच्या अडचणी वाढताना दिसत आहेत. राष्ट्रवादी काँग्रेसचे नेते शरद पवार यांच्याबाबत फेसबुकवर आक्षेपार्ह भाषेत पोस्ट केल्याप्रकरणी अटक करण्यात आल्यानंतर ठाणे कारागृहात न्यायालयीन कोठडीत असलेल्या केतकी हिला नवी मुंबई पोलिसांनी गुरुवारी न्यायालयाच्या परवानगीनं अॅट्रोसिटीच्या गुन्ह्यात अटक केली. केतकीने मार्च २०२०मध्ये फेसबुकवर बौद्ध समाजाविषयी आक्षेपार्ह पोस्ट केली होती. त्यानंतर काही जणांनी तिच्याविरोधात रबाळे पोलिस ठाण्यात तक्रार दाखल केली होती.
हे प्रकरण आता आणखी वाढणार असं दिसून येत आहे. केतकीवर गुन्हे दाखल होत असतानाच केतकी ज्या सोसायटीत राहते, तिथल्या शेजाऱ्यांनी केतकीबद्दलच्या तक्रारींचा पाढाच वाचला आहे. एका वृत्ता वाहिनीनं केतकी राहत असलेल्या रोडपाली परिसरातील सोसायटीतील रहिवाश्यांशी संवाद साधला. यादरम्यान त्यांनी केतकीच्या पोस्टशी असहमत असल्याचं म्हटलं. तसंच केतकीचं वागणंही अनेकदा खटकतं, असंही सांगितलं.
केतकी बिल्डिंगमधील शेजाऱ्यांसोबत जास्त बोलत नाही. पण सोसायटीतील काही जणांच्या टीमनं घेतलेले निर्णयही तिला मान्य नसतात. ज्या मिटिंगमध्ये ती नसते, त्या मिटिंग मधील निर्णयांना ती विरोध करते, असंही एका व्यक्तीनं सांगितलंय. तसंच फुड डिलिव्हरी करण्यासाठी येणाऱ्या स्विगी आणि झोमॅटोच्या कर्मचाऱ्यांसोबतही ती अनेकदा वाईट पदधतीनं वागली आहे. तिनं ऑर्डर घेतली पण त्यांना पैसेही दिले नाहीत, असं अनेकदा समोर आलं आहे. असं केतकीच्या बिल्डिंगमध्ये राहाणारे रहिवाशी सांगत आहेत.
हे प्रकरण आता आणखी वाढणार असं दिसून येत आहे. केतकीवर गुन्हे दाखल होत असतानाच केतकी ज्या सोसायटीत राहते, तिथल्या शेजाऱ्यांनी केतकीबद्दलच्या तक्रारींचा पाढाच वाचला आहे. एका वृत्ता वाहिनीनं केतकी राहत असलेल्या रोडपाली परिसरातील सोसायटीतील रहिवाश्यांशी संवाद साधला. यादरम्यान त्यांनी केतकीच्या पोस्टशी असहमत असल्याचं म्हटलं. तसंच केतकीचं वागणंही अनेकदा खटकतं, असंही सांगितलं.
केतकी बिल्डिंगमधील शेजाऱ्यांसोबत जास्त बोलत नाही. पण सोसायटीतील काही जणांच्या टीमनं घेतलेले निर्णयही तिला मान्य नसतात. ज्या मिटिंगमध्ये ती नसते, त्या मिटिंग मधील निर्णयांना ती विरोध करते, असंही एका व्यक्तीनं सांगितलंय. तसंच फुड डिलिव्हरी करण्यासाठी येणाऱ्या स्विगी आणि झोमॅटोच्या कर्मचाऱ्यांसोबतही ती अनेकदा वाईट पदधतीनं वागली आहे. तिनं ऑर्डर घेतली पण त्यांना पैसेही दिले नाहीत, असं अनेकदा समोर आलं आहे. असं केतकीच्या बिल्डिंगमध्ये राहाणारे रहिवाशी सांगत आहेत.