Rutuja.joshi@timesgroup.com
सेलिब्रिटींचा झगमगाट, पैशांची उधळपट्टी करणाऱ्या क्रिकेटशी पंगा घेत प्रो कबड्डी आता जोरदार टीआरपी मिळवू लागली आहे. इतकंच नव्हे, तर प्रो कबड्डीच्या मॅचेसनी सास-बहूंवाल्या मालिकांनाही लोळवल्याचं दिसून येतंय…
मुंबई इंडियन्स, कोलकाता नाईट रायडर्स यांच्या इतकीच यु मुंबा, दबंग दिल्ली ही नावंही आपल्याला ओळखीची झाली आहेत. क्रिकेट इतकंच ग्लॅमर आज प्रो कबड्डी लीगमुळे कबड्डीला मिळतंय. छोटा पडदा असो किंवा डिजिटल प्लॅटफॉर्म, कबड्डीची क्रेझ दिवसेंदिवस वाढतच जातेय. ग्रामीण आणि शहरी भागातही कबड्डीची जादू दिसून येत आहे. यावर्षी बार्कच्या आकडेवारीनुसार, पहिल्याच आठवड्यात टीआरपी रेटिंगमध्ये गेल्या वर्षीच्या तुलनेत तब्बल ३६ टक्क्यांनी वाढ झाली आहे. तर दुसऱ्या आठवड्यात हा आकडा ३९ टक्क्यांवर गेला आहे. प्रो कबड्डी लीगचं यंदाचं तिसरं वर्ष आहे. पहिल्या सीझनमध्ये या खेळाला म्हणावं तितकं यश मिळालं नव्हतं. गेल्या वर्षी, दुसऱ्या सीझनमध्ये बऱ्यापैकी तरुणाई या खेळाकडे आकर्षित झाली होती. यंदा मात्र या खेळाची क्रेझ इतकी वाढली आहे की त्याचा परिणाम टीआरपीच्या रेटिंगवरसुद्धा दिसून येतो. यावर्षी कबड्डीला १८ कोटींपेक्षा जास्त प्रेक्षक लाभले आहेत. पैकी साठ टक्के प्रेक्षक हा ग्रामीण भागातला असल्याचं एका सर्वेक्षणातून समोर आलं आहे. हॉट स्टारसारख्या अॅपवरसुद्धा कबड्डी बघणाऱ्यांच्या संख्येत ३३ टक्क्यांनी वाढ झाली आहे. याबद्दल बोलताना स्टार इंडियाचे सीइओ उदय शंकर सांगतात की, 'इतक्या जलद लोकप्रियता मिळवणारा हा पहिला खेळ आहे. क्रिकेटच्या लोकप्रियतेच्या मानाने कबड्डी अजूनही दुसऱ्या स्थानावर असला तरी त्याच्या व्ह्यूअरशिपमध्ये मात्र आशादायी वाढ झाली आहे. या मराठमोळ्या खेळाला जास्तीत जास्त लोकप्रियता देण्याचा आमचा प्रयत्न असेल.' मालिकांना फटका प्रो कबड्डीचा फिवर हा संध्याकाळी सात वाजल्यापासून रात्री दहा वाजेपर्यंत असतो. गेल्यावर्षी सकारात्मक चर्चेचा विषय ठरल्यामुळे यंदा कबड्डीच्या व्ह्यूअरशिपमध्ये कमालीची वाढ झाली आहे. मालिकांसाठी प्राइम टाइम स्लॉट असलेल्या या वेळात मॅचेस असल्याने घराघरातल्या सासू-सूनांच्या मालिका थंडावल्या असल्याचं चित्र बघायला मिळतंय. याचा सगळ्यात मोठा फटका डेली सोप्सला बसला असून त्यांच्या रेटिंगमध्ये घसरण झालेली दिसतेय.
सेलिब्रिटींचा झगमगाट, पैशांची उधळपट्टी करणाऱ्या क्रिकेटशी पंगा घेत प्रो कबड्डी आता जोरदार टीआरपी मिळवू लागली आहे. इतकंच नव्हे, तर प्रो कबड्डीच्या मॅचेसनी सास-बहूंवाल्या मालिकांनाही लोळवल्याचं दिसून येतंय…
मुंबई इंडियन्स, कोलकाता नाईट रायडर्स यांच्या इतकीच यु मुंबा, दबंग दिल्ली ही नावंही आपल्याला ओळखीची झाली आहेत. क्रिकेट इतकंच ग्लॅमर आज प्रो कबड्डी लीगमुळे कबड्डीला मिळतंय. छोटा पडदा असो किंवा डिजिटल प्लॅटफॉर्म, कबड्डीची क्रेझ दिवसेंदिवस वाढतच जातेय. ग्रामीण आणि शहरी भागातही कबड्डीची जादू दिसून येत आहे. यावर्षी बार्कच्या आकडेवारीनुसार, पहिल्याच आठवड्यात टीआरपी रेटिंगमध्ये गेल्या वर्षीच्या तुलनेत तब्बल ३६ टक्क्यांनी वाढ झाली आहे. तर दुसऱ्या आठवड्यात हा आकडा ३९ टक्क्यांवर गेला आहे. प्रो कबड्डी लीगचं यंदाचं तिसरं वर्ष आहे. पहिल्या सीझनमध्ये या खेळाला म्हणावं तितकं यश मिळालं नव्हतं. गेल्या वर्षी, दुसऱ्या सीझनमध्ये बऱ्यापैकी तरुणाई या खेळाकडे आकर्षित झाली होती. यंदा मात्र या खेळाची क्रेझ इतकी वाढली आहे की त्याचा परिणाम टीआरपीच्या रेटिंगवरसुद्धा दिसून येतो. यावर्षी कबड्डीला १८ कोटींपेक्षा जास्त प्रेक्षक लाभले आहेत. पैकी साठ टक्के प्रेक्षक हा ग्रामीण भागातला असल्याचं एका सर्वेक्षणातून समोर आलं आहे. हॉट स्टारसारख्या अॅपवरसुद्धा कबड्डी बघणाऱ्यांच्या संख्येत ३३ टक्क्यांनी वाढ झाली आहे. याबद्दल बोलताना स्टार इंडियाचे सीइओ उदय शंकर सांगतात की, 'इतक्या जलद लोकप्रियता मिळवणारा हा पहिला खेळ आहे. क्रिकेटच्या लोकप्रियतेच्या मानाने कबड्डी अजूनही दुसऱ्या स्थानावर असला तरी त्याच्या व्ह्यूअरशिपमध्ये मात्र आशादायी वाढ झाली आहे. या मराठमोळ्या खेळाला जास्तीत जास्त लोकप्रियता देण्याचा आमचा प्रयत्न असेल.' मालिकांना फटका प्रो कबड्डीचा फिवर हा संध्याकाळी सात वाजल्यापासून रात्री दहा वाजेपर्यंत असतो. गेल्यावर्षी सकारात्मक चर्चेचा विषय ठरल्यामुळे यंदा कबड्डीच्या व्ह्यूअरशिपमध्ये कमालीची वाढ झाली आहे. मालिकांसाठी प्राइम टाइम स्लॉट असलेल्या या वेळात मॅचेस असल्याने घराघरातल्या सासू-सूनांच्या मालिका थंडावल्या असल्याचं चित्र बघायला मिळतंय. याचा सगळ्यात मोठा फटका डेली सोप्सला बसला असून त्यांच्या रेटिंगमध्ये घसरण झालेली दिसतेय.