मुंबई:
'बिग बॉस'चा दुसरा सीझन येत्या काही आठवड्यात सुरू होणार आहे. 'बिग बॉस'च्या घरात नेमके कोणते चेहरे दिसणार याबाबत सोशल मीडियावर तर्क-वितर्कांना उधाण आलंय. या सीझनमध्ये अभिनेते नागेश भोसले आणि ज्येष्ठ अभिनेत्री सविता मालपेकर दिसणार असल्याची चर्चा आहे.
'बिग बॉस'च्या घरात सहभागी होणाऱ्या कलाकारांच्या नावांची यादी सध्या सोशल मीडियावर व्हायरल होत आहे. या यादीमध्ये आता नागेश भोसले आणि सविता मालपेकर या दोन नावांची भर पडली आहे. सूत्रांनी दिलेल्या माहितीनुसार, या दोघांच्या नावांवर शिक्कामोर्तब झालं असून या नावांसह इतरही स्पर्धकांच्या नावांची अधिकृत घोषणा लवकरच करण्यात येणार आहे. ' नागेश भोसले आणि सविता मालपेकर ही दोन्ही नावं मराठी इंडस्ट्रीत अतिशय लोकप्रिय आहेत. अभिनेते, दिग्दर्शक, निर्माते म्हणून नागेश भोसले यांना ओळखले जाते. शिवाय, त्यांनी रंगवलेले खलनायक तर सगळ्यांच्या लक्षात असणार हे नक्की. तसेच, काकस्पर्श, नटसम्राट यांसारख्या अनेक गाजलेल्या चित्रपटांसह टीव्ही मालिका आपल्या दमदार अभिनयाने गाजविणाऱ्या सविता मालपेकर यांच्या 'बिग बॉस'च्या घरातील प्रवास पाहणं मनोरंजक ठरणार आहे.
या दोन नावांशिवाय, लावणी सम्राज्ञी सुरेखा पुणेकर, अभिनेता मिलिंद शिंदे,अभिनेत्री रसिका सुनील, अभिनेता भूषण प्रधान, अभिनेत्री मनवा नाईक, अभिनेत्री केतकी चितळे, अभिनेत्री सुरभी हांडे, अभिनेत्री प्राजक्ता हनमघर, अभिनेत्री नेहा पेंडसे, नाट्यकर्मी दिगंबर नाईक, टिकटॉक गर्ल म्हणून प्रसिद्ध असलेली अभिनेत्री अमृता देशमुख अशा काही नावांचा समावेश आहे. परंतु, या नावांवर अद्याप 'बिग बॉस' मराठीच्या टीमकडून शिक्कामोर्तब झालेलं नाही.
'बिग बॉस'चा दुसरा सीझन येत्या काही आठवड्यात सुरू होणार आहे. 'बिग बॉस'च्या घरात नेमके कोणते चेहरे दिसणार याबाबत सोशल मीडियावर तर्क-वितर्कांना उधाण आलंय. या सीझनमध्ये अभिनेते नागेश भोसले आणि ज्येष्ठ अभिनेत्री सविता मालपेकर दिसणार असल्याची चर्चा आहे.
'बिग बॉस'च्या घरात सहभागी होणाऱ्या कलाकारांच्या नावांची यादी सध्या सोशल मीडियावर व्हायरल होत आहे. या यादीमध्ये आता नागेश भोसले आणि सविता मालपेकर या दोन नावांची भर पडली आहे. सूत्रांनी दिलेल्या माहितीनुसार, या दोघांच्या नावांवर शिक्कामोर्तब झालं असून या नावांसह इतरही स्पर्धकांच्या नावांची अधिकृत घोषणा लवकरच करण्यात येणार आहे. ' नागेश भोसले आणि सविता मालपेकर ही दोन्ही नावं मराठी इंडस्ट्रीत अतिशय लोकप्रिय आहेत. अभिनेते, दिग्दर्शक, निर्माते म्हणून नागेश भोसले यांना ओळखले जाते. शिवाय, त्यांनी रंगवलेले खलनायक तर सगळ्यांच्या लक्षात असणार हे नक्की. तसेच, काकस्पर्श, नटसम्राट यांसारख्या अनेक गाजलेल्या चित्रपटांसह टीव्ही मालिका आपल्या दमदार अभिनयाने गाजविणाऱ्या सविता मालपेकर यांच्या 'बिग बॉस'च्या घरातील प्रवास पाहणं मनोरंजक ठरणार आहे.
या दोन नावांशिवाय, लावणी सम्राज्ञी सुरेखा पुणेकर, अभिनेता मिलिंद शिंदे,अभिनेत्री रसिका सुनील, अभिनेता भूषण प्रधान, अभिनेत्री मनवा नाईक, अभिनेत्री केतकी चितळे, अभिनेत्री सुरभी हांडे, अभिनेत्री प्राजक्ता हनमघर, अभिनेत्री नेहा पेंडसे, नाट्यकर्मी दिगंबर नाईक, टिकटॉक गर्ल म्हणून प्रसिद्ध असलेली अभिनेत्री अमृता देशमुख अशा काही नावांचा समावेश आहे. परंतु, या नावांवर अद्याप 'बिग बॉस' मराठीच्या टीमकडून शिक्कामोर्तब झालेलं नाही.