मुंबई:
शिल्पा शिंदे माझ्या सांगण्यावरून 'बिग बॉस'मध्ये सहभागी झाली आणि मी सलमानकडे शिफारस केल्यामुळेच ती जिंकली, असा दावा 'बिग बॉस'मधील एक माजी स्पर्धक वादग्रस्त अध्यात्मिक गुरू स्वामी ओम यांनी केलाय. त्यामुळं पुन्हा चर्चेला उधाण आलंय.
'बिग बॉस'च्या घरात अनेक वादग्रस्त वक्तव्यांसाठी स्वामी ओम सतत चर्चेत असत. परंतु, कार्यक्रमातून बाहेर पडूनही त्यांची अशी वक्तव्यं सुरूच आहेत. नुकत्याच त्यांनी दिलेल्या मुलाखतीचा व्हिडिओ सोशल मीडियावर व्हायरल झालाय. 'शिल्पा माझी धर्मपुत्री आहे. 'तिला 'बिग बॉस'मध्ये जाण्याची इच्छा नसल्याचं तिचा भाऊ म्हणाला होता. मात्र, मी तिला धीर दिला. तुला 'बिग बॉस'च्या घरात कसलाही त्रास होणार नाही. मी तुझ्या पाठीशी आहे,' असं आश्वासन मी दिल्यामुळं ती तयार झाली. शिल्पा तयार झाल्यावर मी लगेच सलमानशी बोललो. शिल्पा 'बिग बॉस'च्या घरात आल्यावर तिला कोणत्याही प्रकारचा त्रास होता कामा नये. तसंच, तिची प्रतिमा मलिन करणारी कोणतीही गोष्ट घडू नये याची खबरदारी सलमाननं घ्यावी, असंही मी त्याला बजावलं होतं. मी शब्द टाकल्याने शिल्पा आज हा शो जिंकू शकली आहे,' असं स्वामी ओम यांनी मुलाखतीत सांगितलं.
स्वामी ओम हे बिग बॉसच्या १०व्या सिझनमध्ये सहभागी झाले होते. हे बाबा सेक्स रॅकेट चालवण्याच्या आरोपाखाली तुरुंगातही जाऊन आलेत.
शिल्पा शिंदे माझ्या सांगण्यावरून 'बिग बॉस'मध्ये सहभागी झाली आणि मी सलमानकडे शिफारस केल्यामुळेच ती जिंकली, असा दावा 'बिग बॉस'मधील एक माजी स्पर्धक वादग्रस्त अध्यात्मिक गुरू स्वामी ओम यांनी केलाय. त्यामुळं पुन्हा चर्चेला उधाण आलंय.
'बिग बॉस'च्या घरात अनेक वादग्रस्त वक्तव्यांसाठी स्वामी ओम सतत चर्चेत असत. परंतु, कार्यक्रमातून बाहेर पडूनही त्यांची अशी वक्तव्यं सुरूच आहेत. नुकत्याच त्यांनी दिलेल्या मुलाखतीचा व्हिडिओ सोशल मीडियावर व्हायरल झालाय. 'शिल्पा माझी धर्मपुत्री आहे. 'तिला 'बिग बॉस'मध्ये जाण्याची इच्छा नसल्याचं तिचा भाऊ म्हणाला होता. मात्र, मी तिला धीर दिला. तुला 'बिग बॉस'च्या घरात कसलाही त्रास होणार नाही. मी तुझ्या पाठीशी आहे,' असं आश्वासन मी दिल्यामुळं ती तयार झाली. शिल्पा तयार झाल्यावर मी लगेच सलमानशी बोललो. शिल्पा 'बिग बॉस'च्या घरात आल्यावर तिला कोणत्याही प्रकारचा त्रास होता कामा नये. तसंच, तिची प्रतिमा मलिन करणारी कोणतीही गोष्ट घडू नये याची खबरदारी सलमाननं घ्यावी, असंही मी त्याला बजावलं होतं. मी शब्द टाकल्याने शिल्पा आज हा शो जिंकू शकली आहे,' असं स्वामी ओम यांनी मुलाखतीत सांगितलं.
स्वामी ओम हे बिग बॉसच्या १०व्या सिझनमध्ये सहभागी झाले होते. हे बाबा सेक्स रॅकेट चालवण्याच्या आरोपाखाली तुरुंगातही जाऊन आलेत.