शिव ठाकरे-वीणा जगतापचं ब्रेकअप झाल्याच्या अफवाच? रडता रडता 'विनी'बद्दल बोलून गेला

मुंबई- बिग बॉस चं सोळावं पर्व कोणामुळे खऱ्या अर्थाने गाजत असेल तर तो म्हणजे शिव ठाकरे. आज घरातल्या प्रत्येक गोष्टी एकट्या शिवच्या अवती- भवती फिरताना दिसतात. त्यामुळेच त्याच्याविरोधात अनेक स्पर्धक बोलतात. याच गोष्टींचं शिवला वाईटही वाटतं. पण आपल्याला वाईट वाटलं हे तो कधीही कोणाला दाखवून देत नाही. पण शेवटी त्याच्याही संयमाचा बांध फुटला आणि तो ढसाढसा रडायला लागला.

डाव उलटला! सौंदर्या- गौतमच्या रिलेशनशिपवर बोलणाऱ्या शिव ठाकरेचेच व्हायरल झाले स्क्रिनशॉट

नक्की कोणासाठी आणि का रडला शिव ठाकरे

बिग बॉस स्पर्धकांना मन मोकळं करण्याची संधी देतात. यावेळी ते शिवला कन्फेशन रूममध्ये बोलावतात. रूममध्ये जाण्याआधीपासूनच शिव रडत असतो. तो एवढा भावुक का झाला असा प्रश्न बिग बॉस त्याला विचारतात. यावर शिव म्हणतो की, 'मला काही दिवसांपासून आईची फार आठवण येत होती. कोणी तरी आपलं असावं आणि त्यांना घट्ट मिठी मारून मी नीट खेळतोय की नाही ते विचारावसं वाटत होतं. इथे मी सगळ्या गोष्टी डोक्याने खेळतो असं वाटतं, पण तसं नाहीये मी नेहमीच माझ्या मनाचं ऐकतो. पण इथल्या स्पर्धकांना ते पटत नाही. याचमुळे मला एखादी गोष्ट वाईट वाटली तरी मी कोणाला सांगू शकत नाही.'


रडताना शिव पुढे म्हणाला की, 'गेले काही आठवडे सलमान सर माझ्याबद्दल काहीच बोलले नाही. त्यामुळे मनात भीती होती की मी नीट खेळतोय की नाही. मी काही चुकीचं वागलो तर आई चिंतेत येईल आणि रडायला लागले याचीच मला जास्त काळजी आहे.' यावेळी बिग बॉस शिवला विचारतात की तुला कोणाची मिठी हवी आहे वीणाची का?


त्यावर शिव थोडासा हसतो आणि म्हणतो हो चालेल विणीची पण चालेल किंवा ताईची पण चालेल. त्याचा हाच भावुक होणारा व्हिडिओ सोशल मीडियावर व्हायरल होत आहे. यावरूनच शिव आणि वीणा यांचं ब्रेकअप झालं नसल्याचं बोललं जात आहे. एवढंच नाही तर बिग बॉस मराठी पहिल्या सीजनची विजेती मेघा धाडेनेही शिव- वीणाच्या नात्यावर प्रतिक्रिया दिली होती. एका ऑनलाइन पोर्टलला दिलेल्या मुलाखतीत शिवचा बिग बॉस १६ मधील गेम प्लॅन, त्याचं अर्चनाशी झालेलं भांडण आणि वीणा जगतापसोबतचं नातं यावर भाष्य केलं होतं.

ढसाढसा रडला शिव ठाकरे! त्याच्या मनातल्या वेदना ऐकून तुमच्या काळजाचंही होईल पाणी


मेघाने असे म्हटले की, 'बिग बॉस मराठीमध्ये शिवला वीणा आवडली होती. त्याने प्रेमही व्यक्त केलं. बिग बॉसच्या घराबाहेर आल्यानंतर त्यांचं नात चांगलं आहे.' मेघा पुढे म्हणाली की त्यांचं नातं एका टप्प्यावर आहे. तिने याविषयी आणखी बोलणं टाळलं. अभिनेत्री म्हणाली की शिव घराबाहरे आल्यानंतर तुम्ही त्याला याविषयी विचारू शकता.