'तारक मेहता का उल्टा चष्मा'च्या सेटवर 'चंपक चाचा' गंभीर जखमी, तातडीने नेले डॉक्टरांकडे

मुंबई- 'तारक मेहता का उल्टा चष्मा' मालिकेच्या चाहत्यांसाठी एक वाईट बातमी आहे. मीडिया रिपोर्टनुसार सर्वांचे आवडते चंपक चाचा उर्फ अमित भट्ट सेटवर जखमी झाला आहे. इतकेच नाही तर या दुखापतीमुळे तो अनेक दिवस शोमध्ये दिसणार नसल्याचेही बोलले जात आहे.

मीडिया रिपोर्टनुसार, 'तारक मेहता का उल्टा चष्मा'च्या स्क्रिप्टनुसार एका सीनमध्ये चंपक चाचाला पळून जावे लागले होते. या सीनच्या शूटिंगदरम्यान अमित भट्टचा धावताना तोल गेला आणि तो खाली पडला. यात त्याला गंभीर जखमी झाला.

डॉक्टरांनी अमितला पूर्ण विश्रांती घेण्याचा सल्ला दिला आहे. शोच्या निर्मात्यांनीही त्याला विश्रांती घेण्यास सांगितले. यामुळेच चंपक चाचा सध्या मालिकेचं शूटिंग करत नाहीये. अभिनेत्याच्या दुखापतीची बातमी समोर आल्यापासून त्याचे चाहते चिंतेत पडले आहेत. अभिनेत्याच्या प्रकृतीसाठी ते सतत प्रार्थना करत आहेत. एवढंच नाही तर मालिकेचे इतर कलाकारही अमित लवकरात लवकर बरा होऊन सेटवर परत यावा अशी इच्छा व्यक्त करत आहेत.

मालिकेने केला १४ वर्षांचा दीर्घ प्रवास पूर्ण

'तारक मेहता का उल्टा चष्मा' अनेक दिवसांपासून प्रेक्षकांचे मनोरंजन करत आहे. अलीकडेच या मालिकेची १४ वर्ष पूर्ण झाली. संपूर्ण टीमने केक कापून हा आनंद साजरा केला.