सेठजी, मेरा पगार कब बढाओगे? 'तारक मेहता...'मालिकेत नट्टू काका परतणार

मुंबई: 'तारक मेहता का उलटा चष्मा' या लोकप्रिय मालिकेत 'सेठजी, मेरा पगार कब बढाओगे?' असा प्रश्न सतत विचारत राहणारे प्रेक्षकांचे लाडके नट्टू काका लवकरच मालिकेत परतणार आहेत. नट्टू काकांची ही भूमिका साकारणारे अभिनेते घनश्याम नायक यांच्यावर अलीकडेच एक शस्त्रक्रिया झाली होती. त्यामुळे काही काळासाठी त्यांनी मालिकेतून ब्रेक घेतला होता.

घनश्याम आता पूर्ण बरे झाले आहेत. पूर्ण काळजी घेत ते लवकरच मालिकेत परतणार आहेत. त्यांच्या शूटिंगला काही दिवसांतच सुरुवात होईल. नवरात्रीनंतर प्रदर्शित होणाऱ्या भागामध्ये नट्टू काका दिसणार असल्याचं सांगितलं जातंय.

मुलगा आणि मुलगी घेत होते काळजी
हॉस्पिटलमध्ये उपचार सुरु असताना त्यांची दोन मुलं त्यांची काळजी घेत होते. घनश्याम यांच्यासोबत त्यांचा मुलगा रात्री राहायचा तर मुलगी दिवसरभर वडिलांची देखभाल करण्यासाठी थांबायची . यावेळी घनश्याम नायक यांनी डॉक्टरांच्या टीमचेही कौतुक केलं होतं.


सेटवर प्रत्येक जण पाहतोय त्यांची वाट
'नट्टू काका' म्हणाले की, 'तारक मेहता का उल्टा चश्मा' च्या अनेक कलाकारांनी त्यांच्या तब्येतीची विचारपूस केली होती. अनेकजण त्यांची सेटवर वाट पाहत आहेत. या सगळ्यात डॉक्टरांनी त्यांना जवळपास एक महिना घरी आराम करण्यास सांगितलं होतं. त्यामुळंच नवरात्रीच्याआधी तरी ते शूटिंगला जाणार नसल्याचं म्हणाले होते.