व्हॅलेंटाइन डेला जोडीदाराकडून आपल्याला काय गिफ्ट मिळणार अशी उत्सुकता तुम्हालाही आज असेल ना? ते तर मिळेलच. पण, तुमच्या लाडक्या सेलिब्रिटींनाही त्यांच्या ‘स्पेशल’ व्यक्तीकडून काय गिफ्ट मिळणार आहे ते त्यांनी ‘मुंटा’शी शेअर केलंय. खुद्द त्यांच्यासाठीही आज ते सरप्राइज असेल.
..........
त्यात मला आनंद
यंदा संकर्षणला मी एक चित्र गिफ्ट देणार आहे. त्याशिवाय, त्याचं स्केच मी रेखाटावं अशी इच्छा त्यानं काही दिवसांपूर्वी बोलून दाखवली होती. ते मी लवकरच त्याला नक्की देईन. तसंच या खास दिवसानिमित्त संकर्षणला एवढंच सांगू इच्छिते की, 'कामाच्या गडबडीत तू मला वेळ देऊ शकत नसल्याची जाणीव तुला आहे. पण, त्या सगळ्या धावपळीतून तू थोडासा का होईना माझ्यासाठी वेळ काढतोस, त्यात मला आनंद आहे'.
-शलाका कऱ्हाडे
गाण्याचं गिफ्ट
लग्नानंतरचा हा आमचा पहिलाच व्हॅलेंटाइन डे आहे. त्यामुळे या खास दिवशी मी तिला खास गिफ्ट देणार आहे. सावनीसाठी गाणं हे तिचं सर्वस्व आहे. यंदा मी हेच तिला गिफ्ट म्हणून देणार आहे. म्हणजे तिच्या एका गाण्याची निर्मिती मी करतोय. युट्यूबवर सावनीज ओरिजनल्स ही सीरिज नुकतीच तिनं प्रदर्शित केली आहे. त्यातलं पुढचं एक गाणं मी प्रोड्यूस करणार आहे. सावनीला गोड आवाजाची दैवी देणगी आहे. तिचा आवाज अधिकाधिक लोकांपर्यंत पोहोचायला हवा. फक्त मराठी आणि तामिळ भाषांपुरतं मर्यादित न राहता आणखीन भाषांमध्येही तिनं गाणी गावीत, असं मला तिला सांगावंसं वाटतं.
-डॉ. आशिष धांडे
आपलं ट्यूनिंग भारी
आम्ही एकमेकांना वरचेवर काही ना काही गिफ्ट देत असतो. व्हॅलेंटाइन डेचं खास गिफ्ट म्हणजे खूप सारं प्रेम. एकमेकांवर जीवापाड प्रेम करणं हेच मोठं गिफ्ट आहे. तसंच व्हॅलेंटाइन डेनिमित्त मी त्याला सांगू इच्छिते की, 'एक कलाकार म्हणून तू उत्तम आहेस आणि माणूस म्हणून कमाल आहेस. तू मला खूप समजून घेतोस. आपल्यातलं ट्यूनिंग खूप भारी आहे. ते जपण्याचा आपण दोघंही प्रयत्न करतोय. आपल्यातले हे बंध दिवसागणिक अधिक घट्ट होऊ देत.’
-प्रियांका केतकर
डिनर डेट
आमच्यासाठी प्रत्येक दिवसच खास असतो. आम्हा दोघांना जसा वेळ मिळेल तसा तो दिवस किंवा ती वेळ आम्ही साजरी करतो. आता लवकरच अमेय कामानिमित्त अमेरिकेला जाणार आहे. त्याआधी एकदा वेळ काढून मी त्याला डिनरला घेऊन जाणार आहे. या खास दिवशी मी त्याला हाच मेसेज देईन की, 'अमेय, कामाचा व्याप सांभाळून तू मला जास्तीतजास्त वेळ दे. वाढत्या कामामुळे तू आणखीन बिझी झालायस. पण यातूनही वेळ काढून कुठे तरी फिरायला जाऊ. नवनवीन ठिकाणं एकत्र पालथी घालू'.
-साजिरी वाघ
संकलन- शब्दुली कुलकर्णी
..........
त्यात मला आनंद
यंदा संकर्षणला मी एक चित्र गिफ्ट देणार आहे. त्याशिवाय, त्याचं स्केच मी रेखाटावं अशी इच्छा त्यानं काही दिवसांपूर्वी बोलून दाखवली होती. ते मी लवकरच त्याला नक्की देईन. तसंच या खास दिवसानिमित्त संकर्षणला एवढंच सांगू इच्छिते की, 'कामाच्या गडबडीत तू मला वेळ देऊ शकत नसल्याची जाणीव तुला आहे. पण, त्या सगळ्या धावपळीतून तू थोडासा का होईना माझ्यासाठी वेळ काढतोस, त्यात मला आनंद आहे'.
-शलाका कऱ्हाडे
गाण्याचं गिफ्ट
लग्नानंतरचा हा आमचा पहिलाच व्हॅलेंटाइन डे आहे. त्यामुळे या खास दिवशी मी तिला खास गिफ्ट देणार आहे. सावनीसाठी गाणं हे तिचं सर्वस्व आहे. यंदा मी हेच तिला गिफ्ट म्हणून देणार आहे. म्हणजे तिच्या एका गाण्याची निर्मिती मी करतोय. युट्यूबवर सावनीज ओरिजनल्स ही सीरिज नुकतीच तिनं प्रदर्शित केली आहे. त्यातलं पुढचं एक गाणं मी प्रोड्यूस करणार आहे. सावनीला गोड आवाजाची दैवी देणगी आहे. तिचा आवाज अधिकाधिक लोकांपर्यंत पोहोचायला हवा. फक्त मराठी आणि तामिळ भाषांपुरतं मर्यादित न राहता आणखीन भाषांमध्येही तिनं गाणी गावीत, असं मला तिला सांगावंसं वाटतं.
-डॉ. आशिष धांडे
आपलं ट्यूनिंग भारी
आम्ही एकमेकांना वरचेवर काही ना काही गिफ्ट देत असतो. व्हॅलेंटाइन डेचं खास गिफ्ट म्हणजे खूप सारं प्रेम. एकमेकांवर जीवापाड प्रेम करणं हेच मोठं गिफ्ट आहे. तसंच व्हॅलेंटाइन डेनिमित्त मी त्याला सांगू इच्छिते की, 'एक कलाकार म्हणून तू उत्तम आहेस आणि माणूस म्हणून कमाल आहेस. तू मला खूप समजून घेतोस. आपल्यातलं ट्यूनिंग खूप भारी आहे. ते जपण्याचा आपण दोघंही प्रयत्न करतोय. आपल्यातले हे बंध दिवसागणिक अधिक घट्ट होऊ देत.’
-प्रियांका केतकर
डिनर डेट
आमच्यासाठी प्रत्येक दिवसच खास असतो. आम्हा दोघांना जसा वेळ मिळेल तसा तो दिवस किंवा ती वेळ आम्ही साजरी करतो. आता लवकरच अमेय कामानिमित्त अमेरिकेला जाणार आहे. त्याआधी एकदा वेळ काढून मी त्याला डिनरला घेऊन जाणार आहे. या खास दिवशी मी त्याला हाच मेसेज देईन की, 'अमेय, कामाचा व्याप सांभाळून तू मला जास्तीतजास्त वेळ दे. वाढत्या कामामुळे तू आणखीन बिझी झालायस. पण यातूनही वेळ काढून कुठे तरी फिरायला जाऊ. नवनवीन ठिकाणं एकत्र पालथी घालू'.
-साजिरी वाघ
संकलन- शब्दुली कुलकर्णी