मुंबई:
आत्तापर्यंत दबलेल्या, पिचलेल्या आणि मुख्य प्रवाहापासून दूर ठेवलेल्या कलाकारांच्या नजरेतून साकार झालेल्या चित्रपटांना अंतरराष्ट्रीय मंचावर हक्काचे स्थान देणारा पहिला दलित चित्रपट आणि सांस्कृतिक महोत्सव(Dalit Film Festival) न्यूयॉर्क मध्ये २३ आणि २४ फेब्रुवारी आयोजित केला जाणार आहे.
पहिल्या दलित चित्रपट आणि सांस्कृतिक महोत्सवामुळे न्यूयॉर्क शहर पुन्हा एकदा ऐतिहासिक घटनेचं साक्षीदार होणार आहे. या महोत्सवाचे आयोजन आंबेडकर इंटरनॅशनल मिशन, आंबेडकर असोसिएशन ऑफ नॉर्थ अमेरिका, बोस्टन स्टडी ग्रुप, आंबेडकर इंटरनॅशनल सेंटर, आंबेडकर बुधिस्ट असोसिएशन यांच्या संकल्पनेतून साकारले जात आहे. कोलंबिया विद्यापीठाचा वारसा हा उदारमतवादी विचारांचा आहे. याच विद्यापीठाच्या वैचारिकमानवतावादी व पुरोगामी संस्कृतीमध्ये बाबासाहेब आंबेडकर यांची वैचारिक जडण घडण आकाराला आली.याच विद्यापीठात बाबासाहेबांना त्यांचे गुरू जॉन डुई यांचे मार्गदर्शन लाभले.तोच वैचारिक वारसा घेवून हा महोत्सव कोलंबिया विद्यापीठ आणि द न्यू स्कूल , न्यूयॉर्क इथं साजरा होत आहे.
या महोत्सवाच्या प्रयोजनाबद्दल बोलताना आयोजकांनी सांगितले की, 'भारतातल्या दबलेल्या दलित समुहाचे जगणे, त्यांचे संघर्ष, स्वतःला सिद्ध करण्यासाठी सर्व पातळ्यांवर द्यावा लागणारा लढा,हे कलेच्या माध्यमातून जगासमोर आणणे. भारतीय व दक्षिण आशियातील मुख्य प्रवाहाशी सवांद साधणे त्याचप्रमाणे या समाजातील वैविध्य चित्रपटाच्या माध्यमातून समोर आणणे
तसेच इतर शोषित पीडित समूहाशी नातं जोडणे तसेच चित्रपट व इतर माध्यमाद्वारे त्यांच्याशी ऋणानुबंध प्रस्थापित करणे या भूमिकेतून आम्ही चित्रपट निवडले आहेत. ज्या मध्ये दलित, त्यातील त्यांचा वर्ग लढा समोर ठेवून तयार केले आहेत. त्यामध्ये माहिती पटही आहेत. या भूमिकेतून बहुभाषिक चित्रपट आणि माहितीपटांची निवड करण्यात आली आहे. दलित निर्माते आणि दिग्दर्शक यांनी दलित जीवन, त्याच्या जाणीवा, त्यातील त्यांचा वर्ग लढा समोर ठेवून तयार केलेले चित्रपट यात समाविष्ट आहेत. अशा प्रकारचे विषय एवढ्या ताकदीने आणि वेगळ्या दृष्टीकोनातून यापूर्वी हाताळले गेले नव्हते. या चित्रपटांनी इथल्या दलितांची संस्कृती, त्यांचा सन्मान आणि त्यांचे हक्क यावर थेट भाष्य केलं आहे. दलितांच्या जगण्यातील दाहकता, त्यांच्या आत्मसन्मानासाठी धरलेला आग्रह ज्या कलाकृतींतून समोर येतो असे दलित कलावंतांनी निर्माण केलेली फाईन आर्ट, त्यांनी काढलेले फोटो, साहित्यही असणार आहे.'
चित्रपट सृष्टीत आपल्या कर्तृत्वाचा ठसा उमटवलेला आहे, अश्या दलित कलावंतांच्या हस्ते या महोत्सवाचे उद्घाटन केले जाणार आहे. त्यामध्ये प्रसिद्ध निर्माता- दिग्दर्शक पा रणजित, नागराज मंजुळे, अभिनेत्री निहरिका सिंग तसेच चित्रपट व इतर माध्यमातील जाणकार लोक उपस्थित राहतील. त्यामध्ये डॉ. डेविड ब्लान्डेल, बोमकु मुरली, जयन चेरियन, सुबोध नागदिवे, रामपिला राव यांचाही समावेश आहे.
Website: www.dalitfilmfest.com
email: dalitfilmfest@gmail.com
आत्तापर्यंत दबलेल्या, पिचलेल्या आणि मुख्य प्रवाहापासून दूर ठेवलेल्या कलाकारांच्या नजरेतून साकार झालेल्या चित्रपटांना अंतरराष्ट्रीय मंचावर हक्काचे स्थान देणारा पहिला दलित चित्रपट आणि सांस्कृतिक महोत्सव(Dalit Film Festival) न्यूयॉर्क मध्ये २३ आणि २४ फेब्रुवारी आयोजित केला जाणार आहे.
पहिल्या दलित चित्रपट आणि सांस्कृतिक महोत्सवामुळे न्यूयॉर्क शहर पुन्हा एकदा ऐतिहासिक घटनेचं साक्षीदार होणार आहे. या महोत्सवाचे आयोजन आंबेडकर इंटरनॅशनल मिशन, आंबेडकर असोसिएशन ऑफ नॉर्थ अमेरिका, बोस्टन स्टडी ग्रुप, आंबेडकर इंटरनॅशनल सेंटर, आंबेडकर बुधिस्ट असोसिएशन यांच्या संकल्पनेतून साकारले जात आहे. कोलंबिया विद्यापीठाचा वारसा हा उदारमतवादी विचारांचा आहे. याच विद्यापीठाच्या वैचारिकमानवतावादी व पुरोगामी संस्कृतीमध्ये बाबासाहेब आंबेडकर यांची वैचारिक जडण घडण आकाराला आली.याच विद्यापीठात बाबासाहेबांना त्यांचे गुरू जॉन डुई यांचे मार्गदर्शन लाभले.तोच वैचारिक वारसा घेवून हा महोत्सव कोलंबिया विद्यापीठ आणि द न्यू स्कूल , न्यूयॉर्क इथं साजरा होत आहे.
या महोत्सवाच्या प्रयोजनाबद्दल बोलताना आयोजकांनी सांगितले की, 'भारतातल्या दबलेल्या दलित समुहाचे जगणे, त्यांचे संघर्ष, स्वतःला सिद्ध करण्यासाठी सर्व पातळ्यांवर द्यावा लागणारा लढा,हे कलेच्या माध्यमातून जगासमोर आणणे. भारतीय व दक्षिण आशियातील मुख्य प्रवाहाशी सवांद साधणे त्याचप्रमाणे या समाजातील वैविध्य चित्रपटाच्या माध्यमातून समोर आणणे
तसेच इतर शोषित पीडित समूहाशी नातं जोडणे तसेच चित्रपट व इतर माध्यमाद्वारे त्यांच्याशी ऋणानुबंध प्रस्थापित करणे या भूमिकेतून आम्ही चित्रपट निवडले आहेत. ज्या मध्ये दलित, त्यातील त्यांचा वर्ग लढा समोर ठेवून तयार केले आहेत. त्यामध्ये माहिती पटही आहेत. या भूमिकेतून बहुभाषिक चित्रपट आणि माहितीपटांची निवड करण्यात आली आहे. दलित निर्माते आणि दिग्दर्शक यांनी दलित जीवन, त्याच्या जाणीवा, त्यातील त्यांचा वर्ग लढा समोर ठेवून तयार केलेले चित्रपट यात समाविष्ट आहेत. अशा प्रकारचे विषय एवढ्या ताकदीने आणि वेगळ्या दृष्टीकोनातून यापूर्वी हाताळले गेले नव्हते. या चित्रपटांनी इथल्या दलितांची संस्कृती, त्यांचा सन्मान आणि त्यांचे हक्क यावर थेट भाष्य केलं आहे. दलितांच्या जगण्यातील दाहकता, त्यांच्या आत्मसन्मानासाठी धरलेला आग्रह ज्या कलाकृतींतून समोर येतो असे दलित कलावंतांनी निर्माण केलेली फाईन आर्ट, त्यांनी काढलेले फोटो, साहित्यही असणार आहे.'
चित्रपट सृष्टीत आपल्या कर्तृत्वाचा ठसा उमटवलेला आहे, अश्या दलित कलावंतांच्या हस्ते या महोत्सवाचे उद्घाटन केले जाणार आहे. त्यामध्ये प्रसिद्ध निर्माता- दिग्दर्शक पा रणजित, नागराज मंजुळे, अभिनेत्री निहरिका सिंग तसेच चित्रपट व इतर माध्यमातील जाणकार लोक उपस्थित राहतील. त्यामध्ये डॉ. डेविड ब्लान्डेल, बोमकु मुरली, जयन चेरियन, सुबोध नागदिवे, रामपिला राव यांचाही समावेश आहे.
Website: www.dalitfilmfest.com
email: dalitfilmfest@gmail.com