असंभव, एका लग्नाची दुसरी गोष्ट या मालिकांमधून घराघरात पोहोचलेला अभिनेता उमेश कामत याचा आज वाढदिवस आहे. त्याचा वाढदिवस त्याची बायको प्रिया बापट दरवर्षी कशी खास पद्धतीने साजरा करते, याचे किस्से त्याने मुंटासोबत शेअर केले आहेत.
लहानपणी घरी वाढदिवस साजरा व्हायचा, औक्षण व्हायचं, जेवणाच्या ताटात आवडत्या पदार्थांची रेलचेल असायची. वाढदिवस म्हटलं की मग मित्रांची जणू रांगच असायची स्पेशल शुभेच्छांसाठी! आजही वाढदिवस म्हटलं की तो घरात साजरा करण्याचा माझा विशेष प्रयत्न असतो. माझ्या आई-बाबांनाही हीच पद्धत आवडायची. मी अन् प्रियाने ही पद्धत अशीच चालू ठेवलीय. लहानपणीच्या आठवणींचा खूप सारा खजिना असला तरी लक्षात राहीलेला वाढदिवस म्हणजे बर्थडे सरप्राइज म्हणून प्रियाने खास माझ्यासाठी बनवलेलं माश्याचे पदार्थ.
मासे किंवा मांस डोळ्यासमोरही न पाहणाऱ्या प्रियाने खास माझ्यासाठी फक्त माझ्या आवडीचा पदार्थ म्हणून फिश बनवलेले होते. स्वतःच्या खास शैलीत नाक मुरडत, हातात ग्लोव्हज चढवून, आमच्या मित्राची मदत घेत प्रियाने माझ्यासाठी बनवलेल्या फिशने माझा वाढदिवस अविस्मरणीय केला. याचसोबत बारा वेगवेगळ्या भेटवस्तू तिने माझ्यासाठी खास सरप्राइज गिफ्ट म्हणून ठेवल्या होत्या. त्यामुळे या सुखद आठवणींचा कप्पा आजही जपून ठेवलाय.
शूटिंगच्या निमित्तानं बऱ्याचदा घराबाहेर जास्त वेळ रहावं लागतं. पण वाढदिवस म्हटलं की एकमेकांना वेळ देणंच आम्ही जास्त पसंत करतो. गेले काही वर्षं आम्ही आमचे वाढदिवस 'जिम'गुरू परूळेकर सरांसोबत साजरा करतोय. 'बर्थडे विथ फिटनेस' असा वाढदिवस साजरा करतो असंही म्हणायला हरकत नाही. यंदाही वाढदिवसाची सुरुवात जिममधून करणार आहे. यंदाचा माझा वाढदिवस माझ्या आगामी चित्रपटाच्या प्रमोशनमध्ये जाणार आहे. परंतु तरीही सर्व कामातून वेळ काढत मी आणि प्रिया एकत्र वेळ घालवण्याचा प्रयत्न करणार आहोत.
शब्दांकन- प्रथमेश राणे, आरएडीएव्ही कॉलेज
लहानपणी घरी वाढदिवस साजरा व्हायचा, औक्षण व्हायचं, जेवणाच्या ताटात आवडत्या पदार्थांची रेलचेल असायची. वाढदिवस म्हटलं की मग मित्रांची जणू रांगच असायची स्पेशल शुभेच्छांसाठी! आजही वाढदिवस म्हटलं की तो घरात साजरा करण्याचा माझा विशेष प्रयत्न असतो. माझ्या आई-बाबांनाही हीच पद्धत आवडायची. मी अन् प्रियाने ही पद्धत अशीच चालू ठेवलीय. लहानपणीच्या आठवणींचा खूप सारा खजिना असला तरी लक्षात राहीलेला वाढदिवस म्हणजे बर्थडे सरप्राइज म्हणून प्रियाने खास माझ्यासाठी बनवलेलं माश्याचे पदार्थ.
मासे किंवा मांस डोळ्यासमोरही न पाहणाऱ्या प्रियाने खास माझ्यासाठी फक्त माझ्या आवडीचा पदार्थ म्हणून फिश बनवलेले होते. स्वतःच्या खास शैलीत नाक मुरडत, हातात ग्लोव्हज चढवून, आमच्या मित्राची मदत घेत प्रियाने माझ्यासाठी बनवलेल्या फिशने माझा वाढदिवस अविस्मरणीय केला. याचसोबत बारा वेगवेगळ्या भेटवस्तू तिने माझ्यासाठी खास सरप्राइज गिफ्ट म्हणून ठेवल्या होत्या. त्यामुळे या सुखद आठवणींचा कप्पा आजही जपून ठेवलाय.
शूटिंगच्या निमित्तानं बऱ्याचदा घराबाहेर जास्त वेळ रहावं लागतं. पण वाढदिवस म्हटलं की एकमेकांना वेळ देणंच आम्ही जास्त पसंत करतो. गेले काही वर्षं आम्ही आमचे वाढदिवस 'जिम'गुरू परूळेकर सरांसोबत साजरा करतोय. 'बर्थडे विथ फिटनेस' असा वाढदिवस साजरा करतो असंही म्हणायला हरकत नाही. यंदाही वाढदिवसाची सुरुवात जिममधून करणार आहे. यंदाचा माझा वाढदिवस माझ्या आगामी चित्रपटाच्या प्रमोशनमध्ये जाणार आहे. परंतु तरीही सर्व कामातून वेळ काढत मी आणि प्रिया एकत्र वेळ घालवण्याचा प्रयत्न करणार आहोत.
शब्दांकन- प्रथमेश राणे, आरएडीएव्ही कॉलेज