मुंबई:
बॉलिवूड कलाकार आणि त्यांची क्रेझ काही वेगळीच असते. त्यांच्या निधनानंतरही कोणत्या ना कोणत्या कारणाने ते प्रेक्षकांच्या मनात घर करून असतात. याचा प्रत्यय सध्या दिवंगत अभिनेत्री श्रीदेवी यांच्या व्हायरल होणाऱ्या एका व्हिडिओवरून येतोय. श्रीदेवी यांच्या निधनाला काही महिने उलटून गेले असले, तरी त्यांच्याबद्दल आजही चर्चा होताना दिसतेय. श्रीदेवी यांच्या आठवणी, त्यांचे कधीही न ऐकलेले किस्से सोशल मीडियावर शेअर होताना दिसतात. असाच एक मस्त व्हिडिओ सध्या सोशल मीडियावर व्हायरल होत आहे.
व्हायरल होणारा हा व्हिडिओ श्रीदेवी यांच्या एका जुन्या मुलाखती दरम्यानचा आहे. श्रीदेवी यांची मुलाखत सुरू असताना त्यांची धाकटी मुलगी खुशी कॅमेरासमोर येऊन दंगा करते, त्यामुळं चिडलेल्या श्रीदेवी तिला ओरडू लागतात आणि एका जागी शांतपणे बस असं बजावतात. हा व्हिडिओ पाहून त्यांचं चाहते भावूक झाल्याचं पाहायला मिळत आहे.
बॉलिवूडची चुलबुली अभिनेत्री अशी ओळख असलेल्या श्रीदेवी यांच्या अकाली मृत्यूनं बॉलिवूडवर शोककळा पसरली होती. असं असलं, तरी त्यांच्या विविध भूमिकांमुळे श्रीदेवी कायम स्मरणात राहतील यात काहीच शंका नाही.
बॉलिवूड कलाकार आणि त्यांची क्रेझ काही वेगळीच असते. त्यांच्या निधनानंतरही कोणत्या ना कोणत्या कारणाने ते प्रेक्षकांच्या मनात घर करून असतात. याचा प्रत्यय सध्या दिवंगत अभिनेत्री श्रीदेवी यांच्या व्हायरल होणाऱ्या एका व्हिडिओवरून येतोय. श्रीदेवी यांच्या निधनाला काही महिने उलटून गेले असले, तरी त्यांच्याबद्दल आजही चर्चा होताना दिसतेय. श्रीदेवी यांच्या आठवणी, त्यांचे कधीही न ऐकलेले किस्से सोशल मीडियावर शेअर होताना दिसतात. असाच एक मस्त व्हिडिओ सध्या सोशल मीडियावर व्हायरल होत आहे.
बॉलिवूडची चुलबुली अभिनेत्री अशी ओळख असलेल्या श्रीदेवी यांच्या अकाली मृत्यूनं बॉलिवूडवर शोककळा पसरली होती. असं असलं, तरी त्यांच्या विविध भूमिकांमुळे श्रीदेवी कायम स्मरणात राहतील यात काहीच शंका नाही.