नोराचा हा व्हिडिओ ३० लाखवेळा पाहिला गेला

मुंबई: एकीकडे लोकांचा नववर्षाचा फीव्हर उतरत असताना नव्या वर्षाच्या स्वागताला देण्यात आलेल्या खास शुभेच्छांचा हँगओव्हर मात्र अजूनही उतरण्याचे नाव घेत नाहीय. या खास शुभेच्छा दिल्या होत्या अभिनेत्री आणि डान्सर नोरा फतेहीने.

नोराचा एक डान्स व्हिडिओ गेल्या ४ दिवसांपासून चांगलाच व्हायरल झालाय. हा व्हिडिओ यूट्यूब आणि इन्स्टाग्रामवर तब्बल ३० लाखहून अधिकवेळा पाहिला गेला आहे. नोराने सलमान खानचा चित्रपट 'टायगर जिंदा हैं'मधील गाणे 'स्वॅग से स्वागत'वर सुंदर बॅली डान्स केला आहे. हा व्हिडिओ लोकांना भुरळ घालत आहे.



'बिग बॉस ९'ची एक स्पर्धक असलेली नोरा शोमध्ये वाइल्ड कार्ड एंट्रीद्वारे आली होती. या शोमध्ये तिने जवळजवळ ४ आठवड्यांचा काळ घालवला होता. यावेळी ती चर्चेत राहिली होती. शोचा विजेता प्रिन्ससोबतच्या तिच्या रोमांसबाबतची चर्चा तर खूपच रंगली होती.

नोरा मूळची मोरक्कनची मॉडेल आहे. मॉडेल ते अभिनेत्री असा प्रवास केलेल्या नोराने 'रोअर: टायगर्स ऑफ सुंदरवन' या चित्रपटाद्वारे पदार्पण केले होते. यानंतर इम्रान हाश्मीसोबत ती 'मिस्टर X' मध्येही दिसली होती. 'क्रेझी कुक्कड फॅमिली' आणि 'बाहुबली' सारख्या चित्रपटात देखील नोराने काम केले आहे.