अनुष्कासोबतच्या खास क्षणांना विराटने दिला उजाळा!

मटा ऑनलाइन वृत्त । मुंबई

लव्हबर्ड्स अनुष्का शर्मा आणि विराट कोहली यांची जोडी नेहमी चर्चेत असते. अनेक अडथळ्यांमधून गेल्यानंतर त्यांचं नातं सध्या खूप घट्ट झालं असून 'व्हॅलेंटाइन्स डे' निमित्त एकमेकांना विश करणं असो वा एखादे लग्न/पार्टीला जाणं असो, ते नेहमी एकत्र दिसतात. त्या दोघांच्याही चाहत्यांसाठी आणखी एक खुशखबर म्हणजे 'स्टार स्पोर्ट्स'ने युट्यूबवर विराटचा एका व्हिडीओ शेअर केला आहे. ५२ सेकंदांच्या या व्हिडीओमध्ये विराटने अनुष्कासोबतच्या खास क्षणांना उजाळा देत आठवणी शेअर केल्या आहेत.
'मेलबर्नमध्ये कसोटी मालिकेदरम्यान मला संघाचा कर्णधार बनवल्याची घोषणा करण्यात आली तेव्हा अनुष्का माझ्यासोबतच होती. तो क्षण माझ्यासाठी अतिशय खास होता' असे सांगत विराटने अनुष्काचे खूप कौतुकही केले.

विराट काय म्हणाला अनुष्काबद्दल ते जाणून घेण्यासाठी पहा व्हिडीओ :