अभिषेक बच्चन आणि विवेक ऑबेरॉय यांच्यात पुन्हा मैत्री?

मुंबईः अभिषेक बच्चन आणि विवेक ऑबेरॉय यांच्या मैत्रीची सध्या सिनेविश्वात चर्चा आहे. काही दिवसांपूर्वी एका सोहळ्यात अभिषेकनं विवेक ऑबेरॉयला मिठी मारतानाच व्हिडिओ व्हायरल झाला होता. तर, आता विवेकनं अभिषेकसाठी एक ट्विट केलं आहे. हे दोघंही त्यांच्यातील जुने वाद विसरून पुन्हा मैत्री करण्याचा प्रयत्न करत असल्याचं बोललं जातंय.

अभिषेक बच्चनचा आगामी चित्रपट 'बिग बुल'साठी विवेकनं सोशल मीडियावर त्याला शुभेच्छा दिल्या आहेत. विवेकचं अभिषेकसाठीचं हे ट्विटपाहून अनेकांनी आश्चर्य व्यक्त केलं आहे.

ऐश्वर्या आणि सलमानच्या ब्रेकअपनंतर ऐश्वर्याचं नाव अभिनेता विवेक ओबेरॉयशी जोडण्यात आले होते. परंतु त्यांचं नातं फार काळ टिकले नाही. नंतर ऐश्वर्यानं अभिषेकसोबत लग्न केले. लग्नानंतर अभिषेक आणि विवेक यांच्यातील मैत्रीचे नाते तुटल्याचे म्हटलं जात होते. ते दोघेंही एकमेकासमोर येणं टाळत होते.