बच्चन यांचा ‘वॉरिअर’
पुणे टाइम्स टीम
‘साधारण १९९० साली अमिताभ बच्चन आणि शबाना आझमी यांच्या ‘मै आझाद हूं’ या सिनेमामध्ये मी काम केलं होतं; पण एडिटिंगमध्ये माझे सगळे सीन कापण्यात आले. सगळी मेहनत पाण्यात. आता तब्बल तीस वर्षांनंतर मी पुन्हा त्यांच्यासोबत ‘ब्रह्मास्त्र’मध्ये ‘वॉरिअर’ची महत्त्वाची भूमिका करतोय. आत्तापर्यंत अभिनय क्षेत्रात केलेल्या प्रवासाचा यशोबिंदू असल्याचं समाधान मला वाटतंय...’
पुण्यातील अभिनेता शिवराज वाळवेकर यांनी ही आठवण ‘पुणे टाइम्स’सोबत शेअर केली. अयान मुखर्जी दिग्दर्शित ‘ब्रह्मास्त्र’मध्ये अमिताभ बच्चनसोबत रणबीर कपूर, आलिया भट आदींच्याही भूमिका आहेत. मुंबईतील भुलेश्वर इथं पुढच्या शूटिंगसाठी लोकेशन व्हिजिट असताना शिवराज यांची भेट आलिया भटसोबत झाली. तिच्यासोबत भरपूर गप्पा रंगल्यानंतर त्यांनी या भेटीचा फोटो फेसबुकवर पोस्ट केला आहे. ‘बच्चन या सिनेमात मुख्य भूमिकेत असून, त्यांची सिक्रेट सोसायटी असते. त्यामध्ये वज्रास्त्र, वायूस्त्र, वराहस्त्र अशा भूमिका आहेत. हा सिनेमा एक फँटसी आहे. ही सगळी अस्त्रं चोरण्यासाठी आलेल्या व्हिलनसोबत युद्ध अशी काहीशी सिनेमाची कथा आहे. माझे बच्चन यांच्यासोबत दोन शूटिंग शेड्यूल नुकतेच संपले आहेत,’ असं शिवराज यांनी सांगितलं.
मुकेश छाबडा या कास्टिंग डिरेक्टरकडून फोन आल्यानंतर ऑडिशनमधून शिवराज यांना वॉरिअरची भूमिका मिळाली. बच्चन यांच्यासोबत काम करण्याचा अनुभव दैवी असल्याचे शिवराज सांगतात. आलियासुद्धा उत्तम आणि संवेदनशील अभिनेत्री असून, सेटवर तिचा कोणताही बडेजाव नसतो, असंही त्यांनी नमूद केलं.
पुणे टाइम्स टीम
‘साधारण १९९० साली अमिताभ बच्चन आणि शबाना आझमी यांच्या ‘मै आझाद हूं’ या सिनेमामध्ये मी काम केलं होतं; पण एडिटिंगमध्ये माझे सगळे सीन कापण्यात आले. सगळी मेहनत पाण्यात. आता तब्बल तीस वर्षांनंतर मी पुन्हा त्यांच्यासोबत ‘ब्रह्मास्त्र’मध्ये ‘वॉरिअर’ची महत्त्वाची भूमिका करतोय. आत्तापर्यंत अभिनय क्षेत्रात केलेल्या प्रवासाचा यशोबिंदू असल्याचं समाधान मला वाटतंय...’
पुण्यातील अभिनेता शिवराज वाळवेकर यांनी ही आठवण ‘पुणे टाइम्स’सोबत शेअर केली. अयान मुखर्जी दिग्दर्शित ‘ब्रह्मास्त्र’मध्ये अमिताभ बच्चनसोबत रणबीर कपूर, आलिया भट आदींच्याही भूमिका आहेत. मुंबईतील भुलेश्वर इथं पुढच्या शूटिंगसाठी लोकेशन व्हिजिट असताना शिवराज यांची भेट आलिया भटसोबत झाली. तिच्यासोबत भरपूर गप्पा रंगल्यानंतर त्यांनी या भेटीचा फोटो फेसबुकवर पोस्ट केला आहे. ‘बच्चन या सिनेमात मुख्य भूमिकेत असून, त्यांची सिक्रेट सोसायटी असते. त्यामध्ये वज्रास्त्र, वायूस्त्र, वराहस्त्र अशा भूमिका आहेत. हा सिनेमा एक फँटसी आहे. ही सगळी अस्त्रं चोरण्यासाठी आलेल्या व्हिलनसोबत युद्ध अशी काहीशी सिनेमाची कथा आहे. माझे बच्चन यांच्यासोबत दोन शूटिंग शेड्यूल नुकतेच संपले आहेत,’ असं शिवराज यांनी सांगितलं.
मुकेश छाबडा या कास्टिंग डिरेक्टरकडून फोन आल्यानंतर ऑडिशनमधून शिवराज यांना वॉरिअरची भूमिका मिळाली. बच्चन यांच्यासोबत काम करण्याचा अनुभव दैवी असल्याचे शिवराज सांगतात. आलियासुद्धा उत्तम आणि संवेदनशील अभिनेत्री असून, सेटवर तिचा कोणताही बडेजाव नसतो, असंही त्यांनी नमूद केलं.