नाती रिफ्रेशरोजच्या धावपळीमध्ये अनेक गोष्टी करायच्या राहून जायच्या. अनेक गोष्टी आपण विसरायचो. लहानपणी मी जसा बराच वेळ घरी असायचो, तसा गेल्या दहा वर्षांत मी कधीही नव्हतो. काम, दौरे, चित्रीकरण अशा विविध कारणांमुळे मी कायम फिरतीवर असायचो. आजच्या लॉकडाउनच्या परिस्थितीत आपण सगळे घरी आहोत. हीच एक अत्यंत सकारात्मक बाब मला यात दिसतेय. संपूर्ण कोठारे कुटुंब पूर्ण दिवस एकत्र आहे. मधल्या काळात ज्या गोष्टी करायच्या राहून गेल्या होत्या, त्या मी, किंबहुना कुटुंबातली प्रत्येक व्यक्ती करतोय. आमच्या कुटुंबात सगळ्यात लाडकी आहे ती 'जिजा'. तिचे सध्या खूप लाड होताहेत. आम्ही सर्व जण एकत्र घरी असणं ही तिच्यासाठी पर्वणी आहे. आई, बाबा, ऊर्मिला आणि मी सतत तिच्या मागे मागेच घरभर फिरत असतो. जिजाला गोष्टी सांगण्यापासून ते रात्री बाबा आणि ऊर्मिला सोबत एकत्र बसून एखादा चित्रपट किंवा वेब शो आम्ही पाहात असतो. या निमित्तानं सर्व नाती पुन्हा रिफ्रेश होत आहेत, असं मी म्हणेन. - आदिनाथ कोठारे
आमच्यासारखे आम्हीच
नाती रिफ्रेशरोजच्या धावपळीमध्ये अनेक गोष्टी करायच्या राहून जायच्या अनेक गोष्टी आपण विसरायचो...
महाराष्ट्र टाइम्स.कॉम 16 May 2020, 4:00 am