म. टा. प्रतिनिधी, नागपूर
महानायक अमिताभ बच्चन सध्या 'झुंड' चित्रपटाच्या निमित्ताने नागपुरात आहेत. या चित्रपटात 'स्लम सॉकर' म्हणजे झोपडपट्टीतील मुलांसाठी फुटबॉल स्पर्धा सुरू करणाऱ्या नागपूरकर प्रा. विजय बारसे यांची भूमिका अमिताभ साकारणार आहेत. उल्लेखनीय म्हणजे, या चित्रपटात बच्चन यांच्या भूमिकेचे नावही विजय आहे. रविवारी काही मिनिटांसाठी स्क्रीनवरील विजय व प्रत्यक्षातील विजय यांची भेट झाली.
मोहननगरातील सेंट जॉन शाळेत 'झुंड' चित्रपटाचा सेट उभारण्यात आला असून, त्याठिकाणी शूटिंग सुरू आहे. झोपडपट्टीतील मुलांना फुटबॉल या खेळाद्वारे मुख्य प्रवाहात आणण्याचे काम करणारे विजय बारसे यांच्या जीवनावर हा चित्रपट आहे. यात अमिताभ बच्चन त्यांच्या भूमिकेत दिसणार असल्याने याबाबत कमालीची उत्सुकता होती. गेल्या आठवडाभरापासून बच्चन चित्रपटाच्या शूटिंगनिमित्ताने नागपुरात होते. मात्र, याच दरम्यान बारसे शहराबाहेर असल्याने या दोघांची भेट होऊ शकली नाही. मात्र, रविवारी दिग्दर्शक नागराज मंजुळे यांनी अमिताभ व विजय बारसे यांची भेट घडवून आणली. यानिमित्त बारसे यांच्या कार्याचा अमिताभ बच्चन यांनी गौरव केला.
इतकेच नव्हे फुटबॉल या खेळाच्या माध्यमातून एका विशिष्ट घटकातील मुलांना समाजाच्या मुख्य प्रवाहात आणण्याचे कार्य बारसे यांनी केले, यामुळे मी कमालीचा प्रभावित झालो. त्यामुळेच जेव्हा या चित्रपटाचा प्रस्ताव नागराज मंजुळे यांनी मांडला, त्याला नाही म्हणता आले नाही. तुमचे कार्य हे खूप मोठे आहे. चित्रपटाद्वारे ते सर्वांपर्यंत पोहचावे, म्हणून ही भूमिका करत असल्याचे बच्चन यांनी म्हटल्याचे बारसे यांनी मटा'शी बोलताना स्पष्ट केले.
अमिताभ यांना भेटण्याचा आनंद खरोखरच अद्वितीय असल्याचेही बारसे यांनी स्पष्ट केले. याहूनही मोठा आनंद म्हणजे माझे नाव विजय आहे, व स्क्रीनवरही त्यांनी विजय हेच नाव वापरण्याचा निर्णय घेतला, हीसुद्धा खूप मोठी गोष्ट असल्याचेही बारसे यांनी यावेळी सांगितले. यावेळी बारसे यांचे कुटुंबीय याठिकाणी हजर होते. भेट जरी पाच मिनिटांची होती. पण, नक्कीच अविस्मरणीय असल्याचेही त्यांनी स्पष्ट केले.
महानायक अमिताभ बच्चन सध्या 'झुंड' चित्रपटाच्या निमित्ताने नागपुरात आहेत. या चित्रपटात 'स्लम सॉकर' म्हणजे झोपडपट्टीतील मुलांसाठी फुटबॉल स्पर्धा सुरू करणाऱ्या नागपूरकर प्रा. विजय बारसे यांची भूमिका अमिताभ साकारणार आहेत. उल्लेखनीय म्हणजे, या चित्रपटात बच्चन यांच्या भूमिकेचे नावही विजय आहे. रविवारी काही मिनिटांसाठी स्क्रीनवरील विजय व प्रत्यक्षातील विजय यांची भेट झाली.
मोहननगरातील सेंट जॉन शाळेत 'झुंड' चित्रपटाचा सेट उभारण्यात आला असून, त्याठिकाणी शूटिंग सुरू आहे. झोपडपट्टीतील मुलांना फुटबॉल या खेळाद्वारे मुख्य प्रवाहात आणण्याचे काम करणारे विजय बारसे यांच्या जीवनावर हा चित्रपट आहे. यात अमिताभ बच्चन त्यांच्या भूमिकेत दिसणार असल्याने याबाबत कमालीची उत्सुकता होती. गेल्या आठवडाभरापासून बच्चन चित्रपटाच्या शूटिंगनिमित्ताने नागपुरात होते. मात्र, याच दरम्यान बारसे शहराबाहेर असल्याने या दोघांची भेट होऊ शकली नाही. मात्र, रविवारी दिग्दर्शक नागराज मंजुळे यांनी अमिताभ व विजय बारसे यांची भेट घडवून आणली. यानिमित्त बारसे यांच्या कार्याचा अमिताभ बच्चन यांनी गौरव केला.
इतकेच नव्हे फुटबॉल या खेळाच्या माध्यमातून एका विशिष्ट घटकातील मुलांना समाजाच्या मुख्य प्रवाहात आणण्याचे कार्य बारसे यांनी केले, यामुळे मी कमालीचा प्रभावित झालो. त्यामुळेच जेव्हा या चित्रपटाचा प्रस्ताव नागराज मंजुळे यांनी मांडला, त्याला नाही म्हणता आले नाही. तुमचे कार्य हे खूप मोठे आहे. चित्रपटाद्वारे ते सर्वांपर्यंत पोहचावे, म्हणून ही भूमिका करत असल्याचे बच्चन यांनी म्हटल्याचे बारसे यांनी मटा'शी बोलताना स्पष्ट केले.
अमिताभ यांना भेटण्याचा आनंद खरोखरच अद्वितीय असल्याचेही बारसे यांनी स्पष्ट केले. याहूनही मोठा आनंद म्हणजे माझे नाव विजय आहे, व स्क्रीनवरही त्यांनी विजय हेच नाव वापरण्याचा निर्णय घेतला, हीसुद्धा खूप मोठी गोष्ट असल्याचेही बारसे यांनी यावेळी सांगितले. यावेळी बारसे यांचे कुटुंबीय याठिकाणी हजर होते. भेट जरी पाच मिनिटांची होती. पण, नक्कीच अविस्मरणीय असल्याचेही त्यांनी स्पष्ट केले.