मुंबई: मागच्या काही काळापासून मराठी मालिका सातत्यानं चर्चेत येत आहेत. काही दिवसांपूर्वीच झी मराठीवरील 'अग्गंबाई सूनबाई' ही मालिका काही आक्षेपार्ह दृश्यांमुळे वादाच्या भोवऱ्यात सापडली होती. त्यानंतर आता स्टार प्रवाहवरील 'फुलाला सुगंध मातीचा' ही मालिकादेखील काही दृश्यामुळे वादाच्या भोवऱ्यात सापडली असून या मालिकेच्या विरोधात एफआयआर दाखल करण्यात आली असल्याचं बोललं जात आहे. सध्या मालिका वेगळ्या वळणावर असतानाच यातील काही दृश्यांवर मात्र आक्षेप घेण्यात आला आहे.
'फुलाला सुगंध मातीचा' या मालिकेनं सध्या वेगळं वळण घेतलं आहे. अभिनेता हर्षद अतकरी म्हणजेच या मालिकेती शुभमनं एका पाककला स्पर्धेत भाग घेतला आहे. शुभमचं कुटुंब या स्पर्धेत त्याच्या पाठीशी खंबीरपणे उभं असलेलं दिसत आहे. या स्पर्धेत वेगवेगळे स्पर्धक सहभागी झाले आहेतया स्पर्धेतील एक स्पर्धक 'सॅन्डी' हा समलैंगिक आहे. ही भूमिका अभिनेता अजिंक्य पितळेनं साकारली आहे. दरम्यान सॅन्डी आणि शुभमची आई अर्थात जीजी अक्का यांच्यातील काही दृश्यांवर LGBTQIA कम्युनिटीनं आक्षेप घेतला आहे.
'फुलाला सुगंध मातीचा' मालिकेतील जीजी आक्का आणि सॅन्डी यांच्यातील दृश्यांमुळे ही मालिका वादाच्या भोवऱ्यात सापडली असून मालिकेच्या विरोधात तक्रारही करण्यात आली आहे. 'येस वी एक्झिस्ट' नावाच्या एका इन्स्टाग्राम पेजवरून याबाबतची पोस्ट शेअर करण्यात आली आहे. या पोस्टमध्ये त्यांनी जीजी आक्का सॅन्डीला जी वागणूक देत आहेत त्यावर आक्षेप घेतला आहे. जीजी आक्का सॅन्डीला त्याच्या राहणीमानावरून हिनवतात, सार्वजनिक ठिकणी त्याला असं वागू नकोस असा सल्ला देतात. तसेच ज्वेलरी बहीण किंवा आईला दे असं सांगतात. तसेच त्याला जीममध्ये जाऊन शरीर कमावण्याचाही सल्ला देतात. या सर्व गोष्टींवर आपला आक्षेप असल्याचं त्यांचं म्हणणं आहे.
'फुलाला सुगंध मातीचा' या मालिकेचा कथा शिर्डीत राहणारा कमी शिक्षण घेतलेला शुभम आणि उच्चशिक्षत, मोठी स्वप्न असलेली किर्ती यांच्यावर बेतलेली आहे. या मालिकेत अभिनेता हर्षद अतकरीनं शुभमची आणि अभिनेत्री समृद्धी केळकरनं किर्तीची भूमिका साकारली आहे. तर अभिनेत्री अदिती देशपांडे यांनी जीजी आक्का म्हणजेच शुभमच्या आईची भूमिका साकारली आहे.
दरम्यान, या वादावर निर्माते आणि वाहनीकडून कोणतीही अधिकृत प्रतिक्रिया देण्यात आली नाहीए.
'फुलाला सुगंध मातीचा' या मालिकेनं सध्या वेगळं वळण घेतलं आहे. अभिनेता हर्षद अतकरी म्हणजेच या मालिकेती शुभमनं एका पाककला स्पर्धेत भाग घेतला आहे. शुभमचं कुटुंब या स्पर्धेत त्याच्या पाठीशी खंबीरपणे उभं असलेलं दिसत आहे. या स्पर्धेत वेगवेगळे स्पर्धक सहभागी झाले आहेतया स्पर्धेतील एक स्पर्धक 'सॅन्डी' हा समलैंगिक आहे. ही भूमिका अभिनेता अजिंक्य पितळेनं साकारली आहे. दरम्यान सॅन्डी आणि शुभमची आई अर्थात जीजी अक्का यांच्यातील काही दृश्यांवर LGBTQIA कम्युनिटीनं आक्षेप घेतला आहे.
'फुलाला सुगंध मातीचा' मालिकेतील जीजी आक्का आणि सॅन्डी यांच्यातील दृश्यांमुळे ही मालिका वादाच्या भोवऱ्यात सापडली असून मालिकेच्या विरोधात तक्रारही करण्यात आली आहे. 'येस वी एक्झिस्ट' नावाच्या एका इन्स्टाग्राम पेजवरून याबाबतची पोस्ट शेअर करण्यात आली आहे. या पोस्टमध्ये त्यांनी जीजी आक्का सॅन्डीला जी वागणूक देत आहेत त्यावर आक्षेप घेतला आहे. जीजी आक्का सॅन्डीला त्याच्या राहणीमानावरून हिनवतात, सार्वजनिक ठिकणी त्याला असं वागू नकोस असा सल्ला देतात. तसेच ज्वेलरी बहीण किंवा आईला दे असं सांगतात. तसेच त्याला जीममध्ये जाऊन शरीर कमावण्याचाही सल्ला देतात. या सर्व गोष्टींवर आपला आक्षेप असल्याचं त्यांचं म्हणणं आहे.
'फुलाला सुगंध मातीचा' या मालिकेचा कथा शिर्डीत राहणारा कमी शिक्षण घेतलेला शुभम आणि उच्चशिक्षत, मोठी स्वप्न असलेली किर्ती यांच्यावर बेतलेली आहे. या मालिकेत अभिनेता हर्षद अतकरीनं शुभमची आणि अभिनेत्री समृद्धी केळकरनं किर्तीची भूमिका साकारली आहे. तर अभिनेत्री अदिती देशपांडे यांनी जीजी आक्का म्हणजेच शुभमच्या आईची भूमिका साकारली आहे.
दरम्यान, या वादावर निर्माते आणि वाहनीकडून कोणतीही अधिकृत प्रतिक्रिया देण्यात आली नाहीए.