'द कपिल शर्मा शो'च्या विरोधात गुन्हा दाखल, कपील शर्मा आणि निर्माते आले अडचणीत

मुंबई : 'द कपिल शर्मा शो' हा छोट्या पडद्यावरील सर्वाधिक लोकप्रिय कार्यक्रम आहे. अलिकडेच या कार्यक्रमाचे नवीन पर्व सुरू झाले असून प्रेक्षकांचा त्याला भरभरून प्रतिसाद मिळत आहे. परंतु आता या कायक्रमाविरोधात मध्यप्रदेशातील शिवपुरी येथील जिल्हा न्यायालयात गुन्हा दाखल झाला आहे. त्यामुळे कपिल शर्मा आणि कार्यक्रमाच्या निर्मात्यापुढे अडचणी निर्माण झाल्या आहेत.

KBC 13- भूतकाळ आठवून भावुक झाले सुनील- जॅकी

काय झाले होते नेमके

'द कपिल शर्मा शो' हा छोट्या पडद्यावरील लोकप्रिय कॉमेडी शो आहे. या कार्यक्रमातील प्रत्येक कलाकाराने प्रेक्षकांची मने जिंकली आहेत. कोणत्या ना कोणत्या कारणामुळे हा शो आणि त्यात असलेले कलाकार नेहमीच चर्चेत असतात. मात्र, यावेळी कार्यक्रमामध्ये दाखवण्यात आलेल्या एका दृश्यावरून मध्य प्रदेशातील शिवपुरीच्या जिल्हा न्यायालयात एफआयआर दाखल करण्यात आली आहे. कार्यक्रमाच्या एका भागामध्ये काही कलाकार दारू पित अभिनय करत असल्याचे समोर आले आहे. याच्याविरोधात शिवपुरी येथील वकिलाने न्यायालयात तक्रार दाखल केली आहे. याप्रकरणावर १ ऑक्टोबर रोजी सुनावणी होणार आहे.

BBM 3 : 'तिनं ज्युडो खेळलं तर मग मीही मागं हटणार नाही

ज्या वकिलाने कार्यक्रमाविरोधात तक्रार दाखल केली आहे. त्याने सांगितले की, 'सोनी टीव्हीवरून प्रसारित होणारा 'द कपिल शर्मा शो' अतिशय दर्जाहिन कार्यक्रम आहे. या कार्यक्रमातून महिलांवर वाईट कमेन्ट केल्या जातात. आता तर या कार्यक्रमातील कलाकार स्टेजवर दारू पिताना दिसले आहेत. हा सेट कोर्टाचा होता. कलाकारांच्या अशा या वागण्यामुळे न्यायालयाचा अपमान झाला आहे. सेक्शन ३६५/३ गुन्हा नोंदवण्यात आला आहे.'


'द कपिल शर्मा शो' च्या ज्या भागामध्ये हे सर्व दाखवले होते तो भाग १९ जानेवारी २०२० रोजी प्रसारित झालाहोता. त्यानंतर हा भाग पुन्हा एकदा २४ एप्रिल २०२१ रोजी पुन्हा प्रसारित करण्यात आला होता. या भागामुळे न्यायालयाचा अपमान झाल्याचेही वकीलाने दाखल केलेल्या याचिकेमध्ये नमूद केले आहे.

कॉमेडियन कपिल शर्मा कार्यक्रमात सुमोना चक्रवर्ती, भारती सिंग, कृष्ण अभिषेक, सुदेश लहरी, कीकू शारदा आणि अर्चना पुरन सिंग हे कलाकार काम करत आहेत. कार्यक्रमाच्या नवीन भागांचे प्रसारण २१ ऑगस्ट पासून सुरू झाले आहे.