अभिनेत्रीच्या फोटोचा गैरवापर; अमेझॉन प्राईमला 'तो' चित्रपट हटविण्याचे आदेश

मुंबई- अमेझॉन प्राईमवरील संकटं थांबण्याचं नाव घेत नाहीयेत. 'तांडव' वेबसीरिज आधीपासूनच वादाच्या फेऱ्यात अडकली आहे. त्यात आता नवीन वादाची भर पडली आहे. बॉलिवूड अभिनेत्री साक्षी मलिकने अमेझॉन प्राईम विरुद्ध मुंबई उच्च न्यायालयात धाव घेतली आहे. अमेझॉन प्राईमने साक्षीचे काही खाजगी फोटो त्यांच्या चित्रपटात वापरल्याने हा वाद सुरू झाला आहे. अमेझॉन प्राईमवर प्रदर्शित झालेल्या 'व्ही' या चित्रपटात साक्षीच्या फोटोंचा वापर करण्यात आला आहे. न्यायालयाने अमेझॉन प्राईमला हा चित्रपट ओटीटीवरून काढून टाकण्याचे आदेश दिले आहेत.

५ डिसेंबर २०१७ रोजी अमेझॉन प्राईमवर प्रदर्शित झालेल्या 'व्ही' या सुपरस्टार नानी च्या चित्रपटात नायिकेला एक गोष्ट समजावताना साक्षीच्या फोटोंचा गैरवापर करण्यात आला आहे. साक्षीचे फोटो चित्रपटात सेक्स वर्कर म्हणून दाखवण्यात आले आहेत. या गोष्टीवर आक्षेप घेत साक्षीने मुंबई उच्च न्यायालयात दाद मागितली. साक्षीच्या वकील सवीना बेदी यांनी उच्च न्यायालयात सांगितल्याप्रमाणे, चित्रपटात साक्षीचे फोटो चुकीच्या पद्धतीने दाखवण्यात आले आहेत. ते फोटो तिने ऑगस्ट २०२० मध्ये एका फोटोशूट साठी काढले होते. तिने फोटो तिच्या इन्स्टाग्रामवर शेअर केले होते. त्याच फोटोंचा वापर चित्रपटात करण्यात आला आहे. शिवाय फोटो वापरताना साक्षीची परवानगी घेण्यात आलेली नाही.तिचे सोशल मीडियावर चांगले फॉलोवर्स आहेत. या प्रकारामुळे त्यांच्यावर परिणाम होऊ शकतो.'

मृणाल दुसानीसने शेअर केला पतीसोबतचा फोटो, पडला लाइकचा पाऊस

याप्रकरणावर निर्णय देताना न्यायमूर्ती पटेल यांनी म्हटलं, 'कोणत्याही व्यक्तीच्या परवानगीशिवाय तिचे फोटो वापरणं हा गुन्हा आहे. ज्या प्रकारे तिचे फोटो चित्रपटात वापरण्यात आले आहेत ते अत्यंत चुकीचं असून त्यामुळे अभिनेत्रीची प्रतिमा मालिन होऊ शकते.' न्यायालयाने अमेझॉन प्राईमला हा चित्रपट ओटीटी प्लॅटफॉर्मवरून हटविण्याचे आदेश दिले आहेत. तसेच अमेझॉन प्राईम अभिनेत्रींचे फोटो ब्लर करून वापरू शकत नाही. ज्या सीनमध्ये साक्षी आहे तो संपूर्ण सीन काढून टाकण्याचे आदेश न्यायालयाने दिले. चित्रपटातील सीन काढून टाकल्याची खात्री होईपर्यंत चित्रपट ओटीटीवर प्रदर्शित करू शकत नाही, असं न्यायालयाने म्हटलं.

आता सोडलं तर उद्या इतर मुलींनाही शिव्या देईल; अभिनेत्रीने ट्रोलरला शिकवला धडा