पूनम सिंग बिष्ट
लैंगिक शोषणाविरोधात आवाज उठवणाऱ्या ‘#मीटू’ची खूप चर्चा झाली. अभिनेता-दिग्दर्शक फरहानही या मुद्द्यावरुन आवाज उठवणार आहे. त्यासाठी तो एक लाइव्ह कॉन्सर्ट करतोय. यानिमित्तानं त्यानं मुंटाशी केलेली ही बातचीत…
बॉलिवूडमध्ये चालणाऱ्या कास्टिंग काऊचविषयी ‘#मीटू’नंतर खूप बोललं गेलं. काही अभिनेत्री-अभिनेते यावर व्यक्त झाले. पण हा मुद्दा केवळ हॉलिवूड किंवा बॉलिवूडपुरताच सीमित नाही. तर त्याला आणखीही पदर आहेत. फक्त हिरॉइन्सनाच नव्हे तर प्रत्येक क्षेत्रातल्या स्त्रियांना याला सामोरं जावं लागतं. त्यांचा आवाजही आपण ऐकला पाहिजे, असं म्हणणं आहे फरहान अख्तरचं. त्यांचा आवाज बनण्यासाठी फरहाननं एका ‘ललकार’ या लाइव्ह कॉन्सर्टचं आयोजन केलंय.
फरहान त्याच्या ‘मर्द’ या संस्थेअंतर्गत ही कॉन्सर्ट करतोय. बॉलीवूडमध्ये होणारं कास्टिंग काऊच आणि आणि कुठलीही व्यक्ती शोषण करणाऱ्यांची नावं जाहीर न करत असल्याबद्दलच्या मुद्द्यावर फरहाननं आपली मतं मांडली. फरहान म्हणाला, की ‘प्रत्येक स्तरावर स्त्रियांचं होणारं लैंगिक शोषण आणि त्यांच्यावर होणाऱ्या अत्याचाराला वाचा फोडण्यासाठी मीटूने खूप मदत केली. पण शेवटी हा मुद्दा फक्त सिनेतारकांच्या भोवतीच घोटाळत राहिला. बॉलिवूडच्या पलीकडेही जग आहे. तिथल्या स्त्रियांचा आवाजही आपण ऐकला पाहिजे. बॉलिवूडच्या तारकांचं ऐकून घेणारे अनेक जण आहेत. पण, मला त्यापेक्षा अशा स्त्रियांसाठी आवाज उठवायला आवडेल ज्यांना खरोखरच याची गरज आहे आणि त्यांचं कुणी ऐकून घेत नाही. ‘ललकार’मधून मी त्यावरच प्रकाश टाकेन. त्यासाठी मी संगीताचं माध्यम निवडलं आहे.’
मुलांनी सुधारायला हवं
आपल्याकडे नेहमी मुलींवर बंधनं लादली जातात. इतक्या उशिरा येऊ नकोस, असे कपडे घालू नकोस. पण मला वाटतं, प्रत्येक कुटुंबामध्ये मुलांना त्यांच्या नैतिकतेच्या बाबतीत धडे दिले पाहिजेत. मुलांनी/पुरुषांनी स्त्रियांकडे बघण्याचा दृष्टिकोन बदलायला हवा. त्यांनी स्वतःमध्ये सुधारणा करून घ्यायला हवी.
घाबरू नका, पुढे या
आपल्यावर होणाऱ्या अत्याचारांना वाचा फोडली तर काम हातातून जाईल अशी भीती बाळगू नये. अशी भीती वाटणाऱ्यांनी न घाबरता यावर बिनधास्त बोलायला हवं. कारण ही योग्य वेळ आहे. त्यामुळे घाबरू नका, पुढे या. ज्यांनी तुमच्याबरोबर गैरप्रकार केला आहे त्याचं नावं जाहीर करा. कॉर्पोरेट क्षेत्रात, प्रत्येक ऑफिसमध्ये ह्युमन रिसोर्से नावाचा विभाग असतो. तिथे जाऊन तुम्ही तुमची तक्रार नोंदवायला हवी. बॉलिवूडमध्ये काही प्रोडक्शन हाऊसेस आहेत, ज्यांच्याकडे याची व्यवस्था आहे. माझ्या एक्सेल प्रोडक्शन हाऊसमध्ये आमच्याकडे काम करणाऱ्या लोकांच्या तक्रारी आणि इतर गोष्टींची आम्ही नेहमीच दखल घेत असतो.
लैंगिक शोषणाविरोधात आवाज उठवणाऱ्या ‘#मीटू’ची खूप चर्चा झाली. अभिनेता-दिग्दर्शक फरहानही या मुद्द्यावरुन आवाज उठवणार आहे. त्यासाठी तो एक लाइव्ह कॉन्सर्ट करतोय. यानिमित्तानं त्यानं मुंटाशी केलेली ही बातचीत…
बॉलिवूडमध्ये चालणाऱ्या कास्टिंग काऊचविषयी ‘#मीटू’नंतर खूप बोललं गेलं. काही अभिनेत्री-अभिनेते यावर व्यक्त झाले. पण हा मुद्दा केवळ हॉलिवूड किंवा बॉलिवूडपुरताच सीमित नाही. तर त्याला आणखीही पदर आहेत. फक्त हिरॉइन्सनाच नव्हे तर प्रत्येक क्षेत्रातल्या स्त्रियांना याला सामोरं जावं लागतं. त्यांचा आवाजही आपण ऐकला पाहिजे, असं म्हणणं आहे फरहान अख्तरचं. त्यांचा आवाज बनण्यासाठी फरहाननं एका ‘ललकार’ या लाइव्ह कॉन्सर्टचं आयोजन केलंय.
फरहान त्याच्या ‘मर्द’ या संस्थेअंतर्गत ही कॉन्सर्ट करतोय. बॉलीवूडमध्ये होणारं कास्टिंग काऊच आणि आणि कुठलीही व्यक्ती शोषण करणाऱ्यांची नावं जाहीर न करत असल्याबद्दलच्या मुद्द्यावर फरहाननं आपली मतं मांडली. फरहान म्हणाला, की ‘प्रत्येक स्तरावर स्त्रियांचं होणारं लैंगिक शोषण आणि त्यांच्यावर होणाऱ्या अत्याचाराला वाचा फोडण्यासाठी मीटूने खूप मदत केली. पण शेवटी हा मुद्दा फक्त सिनेतारकांच्या भोवतीच घोटाळत राहिला. बॉलिवूडच्या पलीकडेही जग आहे. तिथल्या स्त्रियांचा आवाजही आपण ऐकला पाहिजे. बॉलिवूडच्या तारकांचं ऐकून घेणारे अनेक जण आहेत. पण, मला त्यापेक्षा अशा स्त्रियांसाठी आवाज उठवायला आवडेल ज्यांना खरोखरच याची गरज आहे आणि त्यांचं कुणी ऐकून घेत नाही. ‘ललकार’मधून मी त्यावरच प्रकाश टाकेन. त्यासाठी मी संगीताचं माध्यम निवडलं आहे.’
मुलांनी सुधारायला हवं
आपल्याकडे नेहमी मुलींवर बंधनं लादली जातात. इतक्या उशिरा येऊ नकोस, असे कपडे घालू नकोस. पण मला वाटतं, प्रत्येक कुटुंबामध्ये मुलांना त्यांच्या नैतिकतेच्या बाबतीत धडे दिले पाहिजेत. मुलांनी/पुरुषांनी स्त्रियांकडे बघण्याचा दृष्टिकोन बदलायला हवा. त्यांनी स्वतःमध्ये सुधारणा करून घ्यायला हवी.
घाबरू नका, पुढे या
आपल्यावर होणाऱ्या अत्याचारांना वाचा फोडली तर काम हातातून जाईल अशी भीती बाळगू नये. अशी भीती वाटणाऱ्यांनी न घाबरता यावर बिनधास्त बोलायला हवं. कारण ही योग्य वेळ आहे. त्यामुळे घाबरू नका, पुढे या. ज्यांनी तुमच्याबरोबर गैरप्रकार केला आहे त्याचं नावं जाहीर करा. कॉर्पोरेट क्षेत्रात, प्रत्येक ऑफिसमध्ये ह्युमन रिसोर्से नावाचा विभाग असतो. तिथे जाऊन तुम्ही तुमची तक्रार नोंदवायला हवी. बॉलिवूडमध्ये काही प्रोडक्शन हाऊसेस आहेत, ज्यांच्याकडे याची व्यवस्था आहे. माझ्या एक्सेल प्रोडक्शन हाऊसमध्ये आमच्याकडे काम करणाऱ्या लोकांच्या तक्रारी आणि इतर गोष्टींची आम्ही नेहमीच दखल घेत असतो.