ब्युटी विथ ब्रेन

मृणाल कुलकर्णी

महाराष्ट्र टाइम्स.कॉम

आपल्या मोहक सौंदर्यानं आणि उत्तम अभिनयानं प्रेक्षकांच्या आवडत्या बनलेल्या एव्हरग्रीन अभिनेत्री मृणाल कुलकर्णी यांचा आज वाढदिवस आहे. या निमित्तानं त्यांच्याविषयी सांगतेय अभिनेत्री प्रार्थना बेहेरे.


० पहिल्यांदा भेट कधी झाली?
आमची पहिली भेट ऑस्ट्रेलियाला झाली होती. एका पुरस्कार सोहळ्यासाठी आम्ही तिकडे गेलो होतो. तिथे समुद्रकिनाऱ्यावर बसलेलो असताना मृणाल यांनी स्वतः माझ्याशी संवाद साधला. माझ्या कामाची तारीफ केली. ही आमची पहिली भेट.

० त्यांच्याबरोबर काम करण्याचा अनुभव कसा होता?
माझा अनुभव खूप छान होता. उत्तम दिग्दर्शिका. त्यांना नेमकं माहीत असतं, की त्यांना नक्की काय हवंय. प्रचंड हुशार आहेत त्या. त्यांचं वाचन तर अफाट आहे.

० त्यांचं सर्वाधिक आवडलेलं काम?
त्यांनी केलेल्या सगळ्याच भूमिका मला आवडतात. पण ‘& जरा हटके’ या चित्रपटात त्यांनी खूप सुंदर काम केलंय.

० मृणाल यांची एखादी खास गोष्ट कोणती?
त्यांचं सौंदर्य

० त्यांच्या तोंडी नेहमी असलेला एक डायलॉग कोणता?
सेटवर असताना दोन सीन्सच्या मध्ये त्या नेहमी, 'चला चला, लवकर करा' असं म्हणायच्या. नंतर आम्ही सगळे त्यांना याच वाक्यावरुन चिडवायला लागलो.

० तुम्ही भेटलात की काय गप्पा होतात?
आम्ही भेटलो, की निरनिराळ्या चित्रपटांबद्दलच गप्पा मारतो.

० त्यांचं एखादं टोपणनाव काय?
मी त्यांना मृणाल मॅम म्हणते. पण, बरेच लोक त्यांना मृणालताई असं म्हणतात.

० मैत्रीण म्हणून त्यांना काय सल्ला द्याल?
जशा आहात तशाच गोड राहा.

० कोणत्या भूमिकेत त्या जास्त आवडतात, अभिनेत्री की दिग्दर्शक?
दोन्ही भूमिका त्या छान निभावतात.

० वाढदिवसानिमित्त त्यांना काय भेट देशील?
जेव्हा मी माझा चित्रपट दिग्दर्शित करेन तेव्हा त्यात त्यांना नक्की घेईन.

० त्यांचं एका वाक्यात वर्णन कसं करशील?
‘ब्युटी विथ ब्रेन’ याचं नेमकं उदाहरण.

शब्दांकन : संपदा जोशी