गुलरुखमुळे दिलखुश

गीता खेडेकर muntainbox@gmail.com

मुंबईतल्या ओव्हल मैदानावर क्रिकेट खेळतानाचे केटचे फोटो मीडियामध्ये झळकले आणि चर्चा सुरू झाली ती केटच्या गुलाबी ड्रेसबद्दल. केटचा हा ड्रेस आपल्या मराठमोळ्या फॅशन डिझायनर अनिता डोंगरे यांनी डिझाइन केला होता. तिचा हा ड्रेस फॅशनप्रेमींना एवढा आवडला की तशाच प्रकारचा ड्रेस मागवण्यासाठी जगभरातून अनेकांनी अनिता यांच्या वेबसाइटला भेट दिली. केटने घातलेला ड्रेस द गुलरुख ट्युनिक ड्रेस असून त्याची किंमत १४ हजार रुपये आहे. असे सुमारे एक हजार ड्रेसेस आत्तापर्यंत विकले गेले आहेत. या ड्रेसची मागणी वाढतेच आहे.

केटचा तो ड्रेस जॉर्जेट मटेरिअलचा आहे. तिच्या या रॉयल ड्रेसला जगभरातून मागणी येऊ लागली आहे. हाच ‘द गुलरुख ट्युनिक’ ड्रेस डोंगरे यांनी एलएफडब्लूमध्ये रॅम्पवर सादर केला होता. त्या ड्रेसची किमंत ३५ हजार रुपये आहे. या ड्रेसचं डिझाइन त्यांनी केटकडे पाठवलं होतं. त्यात आपल्याला हवे तसे काही बदल करून केटनं तो घातला. केटच्या जगभरातल्या चाहत्यांनी तसंच फॅशनप्रेमींनी अनिता डोंगरे यांच्या वेबसाइटला भेट दिली. ही संख्या एवढी प्रचंड होती की साइट क्रॅश झाली.

पहिल्याच दिवशी साधारण ४०० ड्रेस विकले गेले. केटने घातलेल्या त्या ड्रेसची किंमत अंदाजे १४ हजार रुपये इतकी आहे.

केटनं मी डिझाईन केलेला ड्रेस घातला तेव्हा अनेकांनी फोन करून माझं कौतुक केलं. केटच्या स्टाइलची मी स्वतःही चाहती आहे. मी डिझाइन केलेला ड्रेस तिनं घातल्यानं मला खून छान वाटतंय. हा जणू माझाच एक प्रकारचा बहुमान आहे.’- अनिता डोंगरे