पडद्यामागचा स्टार बनायचंय!
बॉलिवूडस्टारचा मुलगा किंवा मुलगी त्याच्याच पावलावर पाऊल टाकत मोठ्या पडद्यावर चमकण्याचा प्रयत्न करते. शत्रुघ्न सिन्हा यांची मुलगी सोनाक्षी स्टार झालीच. पण तिचा भाऊ कुश सिन्हाला मात्र मोठ्या पडद्यावर चमकायचं नाहीय.
Maharashtra Times 14 Aug 2017, 2:35 am
विनय राऊळ
बॉलिवूडस्टारचा मुलगा किंवा मुलगी त्याच्याच पावलावर पाऊल टाकत मोठ्या पडद्यावर चमकण्याचा प्रयत्न करते. शत्रुघ्न सिन्हा यांची मुलगी सोनाक्षी स्टार झालीच. पण तिचा भाऊ कुश सिन्हाला मात्र मोठ्या पडद्यावर चमकायचं नाहीय. त्याऐवजी त्याला पडद्यामागचा स्टार व्हायचं आहे. त्या दृष्टिनं त्याचा प्रयत्न त्यानं पहिल्यावहिल्या लघुपटाच्या दिग्दर्शनातून केला आहे. सध्याच्या काळात सामाजिक भान जपणाऱ्या गोष्टी लोकांपर्यंत पोहोचवणं गरजेचं असून, तोच प्रयत्न मी 'खून में है' या लघुपटातून केलाय, असं तो म्हणतो.
‘मुंटा’शी गप्पा मारताना कुश म्हणाला, की ‘घरात सगळेच अभिनय क्षेत्रात आहेत. त्यामुळे आपण काहीतरी वेगळं करावं असं वाटलं. 'एकतर शर्यतीमध्ये राहून काहीतरी करा' किंवा 'शर्यतीतून वेगळं होऊन काहीतरी करा' हे बाबांनी सांगितलेलं वाक्य मी अजूनही लक्षात ठेवलंय. म्हणून मी वेगळ्या क्षेत्रात पाऊल टाकलं. शाळेत असल्यापासून मला दिग्दर्शन करायची इच्छा होती. म्हणून इथे वळलो. सध्याचा काळ हा डिजिटल माध्यमाचा आहे. त्यामुळे तुम्ही कोणत्या स्तरावर चित्रपट बनवता हे महत्त्वाचं असतं. तुम्ही बनवलेला चित्रपट प्रदर्शित झाल्यानंतर प्रेक्षक तो कोणत्या माध्यमावर बघतील हे तुम्हाला माहित नसतं. पुढील चार ते पाच वर्षात वेब, टीव्ही वेगळं राहणार नाही. सर्व काही एकत्रित होऊन जाईल, असं मला वाटतं. मी लोकांसमोर काहीतरी कथा मांडण्याचा प्रयत्न करतोय जेणेकरून, त्यांचा दृष्टिकोन बदलेल, असं तो म्हणाला.
लघुपटामध्ये कुटुंबियांकडून अभिनय करून घेण्याबद्दल विचारलं असता, तो म्हणाला की, ‘मला माझं काम व्यक्तिगत पातळीवर करायचं असून स्वतःची वेगळी ओळख निर्माण करायची आहे. त्यामुळे लघुपटामध्ये कुटुंबियांना आणलं नाही.’
बॉलिवूडस्टारचा मुलगा किंवा मुलगी त्याच्याच पावलावर पाऊल टाकत मोठ्या पडद्यावर चमकण्याचा प्रयत्न करते. शत्रुघ्न सिन्हा यांची मुलगी सोनाक्षी स्टार झालीच. पण तिचा भाऊ कुश सिन्हाला मात्र मोठ्या पडद्यावर चमकायचं नाहीय. त्याऐवजी त्याला पडद्यामागचा स्टार व्हायचं आहे. त्या दृष्टिनं त्याचा प्रयत्न त्यानं पहिल्यावहिल्या लघुपटाच्या दिग्दर्शनातून केला आहे. सध्याच्या काळात सामाजिक भान जपणाऱ्या गोष्टी लोकांपर्यंत पोहोचवणं गरजेचं असून, तोच प्रयत्न मी 'खून में है' या लघुपटातून केलाय, असं तो म्हणतो.
‘मुंटा’शी गप्पा मारताना कुश म्हणाला, की ‘घरात सगळेच अभिनय क्षेत्रात आहेत. त्यामुळे आपण काहीतरी वेगळं करावं असं वाटलं. 'एकतर शर्यतीमध्ये राहून काहीतरी करा' किंवा 'शर्यतीतून वेगळं होऊन काहीतरी करा' हे बाबांनी सांगितलेलं वाक्य मी अजूनही लक्षात ठेवलंय. म्हणून मी वेगळ्या क्षेत्रात पाऊल टाकलं. शाळेत असल्यापासून मला दिग्दर्शन करायची इच्छा होती. म्हणून इथे वळलो. सध्याचा काळ हा डिजिटल माध्यमाचा आहे. त्यामुळे तुम्ही कोणत्या स्तरावर चित्रपट बनवता हे महत्त्वाचं असतं. तुम्ही बनवलेला चित्रपट प्रदर्शित झाल्यानंतर प्रेक्षक तो कोणत्या माध्यमावर बघतील हे तुम्हाला माहित नसतं. पुढील चार ते पाच वर्षात वेब, टीव्ही वेगळं राहणार नाही. सर्व काही एकत्रित होऊन जाईल, असं मला वाटतं. मी लोकांसमोर काहीतरी कथा मांडण्याचा प्रयत्न करतोय जेणेकरून, त्यांचा दृष्टिकोन बदलेल, असं तो म्हणाला.
लघुपटामध्ये कुटुंबियांकडून अभिनय करून घेण्याबद्दल विचारलं असता, तो म्हणाला की, ‘मला माझं काम व्यक्तिगत पातळीवर करायचं असून स्वतःची वेगळी ओळख निर्माण करायची आहे. त्यामुळे लघुपटामध्ये कुटुंबियांना आणलं नाही.’