दोन-दोन तासांचा ब्रेक!

सध्या कोणता स्मार्टफोन वापरत आहेस?
वन प्लस ६

स्मार्टफोनशिवाय इतर कोणते गॅजेट्स वापरतेस?
लॅपटॉप आणि आयपॅड.

सर्वात पहिलं वापरलेलं गॅजेट कोणतं?
वॉकमन आणि मोबाइल.

कोणतं फिचर जास्त भावतं? का?
मोबाइलच्या कॅमऱ्याचं फिचर भावतं. कारण मला स्वत:चे आणि निसर्गाचे फोटो काढायला खूप आवडतं.

कोणतं अॅप जास्त आवडतं? का?
ऑनलाइन खरेदीची सगळी अॅप्स आवडतात. कारण मला खरेदीची आवड आहे.

तुझा टेक्नॉलॉजीतला गुरु कोण?
मीच माझी गुरु आहे. टेक्नॉलॉजीतले अपडेट्स माझे मीच शिकत असते.

गॅजेटशिवाय राहण्याचा अनुभव कधी आला आहे का?
माझे सुरुवातीचे दोन-तीन मोबाइल हरवले आहेत. त्या-त्या वेळी मोबाइलशिवाय राहण्याचा अनुभव आला आहे. त्यातून एक गोष्ट शिकले, ती म्हणजे गॅजेटविना आपलं काहीही अडत नाही.

सोशल साइट्सवर अॅक्टीव्ह आहेस का?
हो. इन्स्टाग्राम, ट्विटर आणि फेसबुकवर बऱ्यापैकी अॅक्टीव्ह आहे.

दिवसातला किती वेळ सोशल मीडियावर घालवतेस? काही स्वनियम घालून घेतले आहेत का?
दर अर्ध्या तासानं व्हॉट्सअॅप आणि सोशल मीडियावर जाण्याची सवय होती. हे एक प्रकारचं व्यसनच म्हणावं लागेल. ते कमी करण्यासाठी स्वनियम घालून घेतला आहे. दोन तास मोबाइलला हात लावायचा नाही. त्यामुळे बराच फरक पडतोय.
शब्दांकन- शब्दुली कुलकर्णी