मुंबई :
अनेक अभिनेत्रींनी त्यांचे बिकिनीतले फोटो, बोल्ड फोटो सोशल मीडियावर टाकल्यावर त्यांना ट्रोल केलं जातं. अभिनेत्री सोनारिका भदोरिया मात्र याबाबत बिनधास्त बोलते.
कुणाला ट्रोल करायचं असेल तर खुशाल करा. त्यानं काही फरक पडत नाही. आहोत आम्ही सुंदर...त्यात गैर काय? आम्हाला बोलण्यापेक्षा तुमची दृष्टी चांगली असू द्या, असं ती म्हणते.
सिनेसृष्टीतल्या अनेक हिरॉइन्स आजवर कास्टिंग काऊचबद्दल बोलल्या आहेत. या गोष्टींची चर्चा सातत्यानं होत असली, तरी सोनारिकाला मात्र यात काहीही तथ्य वाटत नाही. तिच्या मते, ‘या साऱ्या अफवा आहेत. तुमचं नाणं खणखणीत असेल तर पुढचा प्रश्न उद्भवतच नाही.’ जवळपास ५ वर्षांनी छोट्या पडद्यावरची ही 'पार्वती' आता 'पृथ्वी वल्लभ' या भव्यदिव्य मालिकेत योद्धा 'मृणाल' म्हणून पुनरागमन केलं आहे. आगामी टीव्ही शोसाठी ती मार्शल आर्ट्स, घोडेस्वारी, तलवारबाजी अशा अनेक नवीन गोष्टी शिकली आहेत.
प्रसिद्धीची हाव नाही
पार्वतीच्या भूमिकेमुळे मी घराघरांत पोहोचले. आजही मी मॉलमध्ये शॉपिंगला गेले, की अनेक लोक भेटतात. 'पार्वती बदलल्यावर आम्ही मालिका बघणं सोडलं' असं ते सांगतात. इतकं प्रेम दिल्याबद्दल आभार.
मात्र किती दिवस ही प्रसिद्धी मिरवणार?
शक्यतो मी प्रसिद्धीला भुलत नाही. मधल्या काळात कलाकार म्हणून मी दाक्षिणात्य सिनेसृष्टीत काम केलं. सतत नवीन काहीतरी करण्यावर माझा भर असल्यानंच मी ही नवीन मालिका स्वीकारली.
आहोत आम्ही सुंदर. त्यात गैर काय?
माझ्यानंतर इतर अनेक तारकांनी आपापले बिकिनीमधले किंवा तत्सम सुंदर फोटोज सोशल मीडियावर टाकायला सुरूवात केल्याचा मला आनंद आहे. या सुंदऱ्या कसली वाट बघत होत्या? ट्रोल व्हायचं असेल तर होऊ दे. स्वतःवर विश्वास ठेवा. आहोत आम्ही सुंदर. त्यात गैर काय? आम्हाला बोलण्यापेक्षा दृष्टी चांगली असू द्या. बॉडी शेमिंग करणं चुकीचं आहे
प्रतिमेत अडकायला होतं
पाच वर्षांपूर्वी प्रेक्षकांनी मला देवीच्या रूपात बघितलं आहे. मात्र अजूनही तीच प्रतिमा त्यांच्या डोक्यात घट्ट आहे. कलाकार भूमिका साकारत असतो हे त्यांना कधी समजेल माहित नाही. उगाच त्यामुळे एका विशिष्ट प्रतिमेत अडकायला होतं.
अंगप्रदर्शनाला हरकत काय?
मुळात 'हायवे'सारखा संवेदनशील सिनेमा देणारी आलिया भट्ट 'हम्प्टी शर्मा'ही करते. आपण बॉलिवूड स्टार म्हणून तिचा स्वीकारही करतो. मात्र टीव्ही तारकांनी काही वेगळा प्रयोग करायचं म्हटलं तर त्यांना बंधनात कशाला अडकवून ठेवायचं? असा माध्यमांचा भेदभाव नसावा. अंगप्रदर्शन हे कुणी उगाच करत नसून ती कथेची गरज असल्यासच करावं.
बीचवर सलवार-कमीज घालणार का?
लोकांनी दृष्टिकोन बदलण्याची गरज आहे. हल्ली अनेक गोष्टी ओव्हरहाइप केल्या जातात. मी जर बीचवर जाणार असेन तर अर्थातच बिकिनी घालेन ना!
अंगप्रदर्शन हे कुणी उगाच करत नसून ती कथेची गरज असल्यासच करावं. टीव्ही तारकांनी काही वेगळा प्रयोग करायचं म्हटलं तर त्यांना बंधनात कशाला अडकवून ठेवायचं?
- सोनारिका भदोरिया
अनेक अभिनेत्रींनी त्यांचे बिकिनीतले फोटो, बोल्ड फोटो सोशल मीडियावर टाकल्यावर त्यांना ट्रोल केलं जातं. अभिनेत्री सोनारिका भदोरिया मात्र याबाबत बिनधास्त बोलते.
कुणाला ट्रोल करायचं असेल तर खुशाल करा. त्यानं काही फरक पडत नाही. आहोत आम्ही सुंदर...त्यात गैर काय? आम्हाला बोलण्यापेक्षा तुमची दृष्टी चांगली असू द्या, असं ती म्हणते.
सिनेसृष्टीतल्या अनेक हिरॉइन्स आजवर कास्टिंग काऊचबद्दल बोलल्या आहेत. या गोष्टींची चर्चा सातत्यानं होत असली, तरी सोनारिकाला मात्र यात काहीही तथ्य वाटत नाही. तिच्या मते, ‘या साऱ्या अफवा आहेत. तुमचं नाणं खणखणीत असेल तर पुढचा प्रश्न उद्भवतच नाही.’ जवळपास ५ वर्षांनी छोट्या पडद्यावरची ही 'पार्वती' आता 'पृथ्वी वल्लभ' या भव्यदिव्य मालिकेत योद्धा 'मृणाल' म्हणून पुनरागमन केलं आहे. आगामी टीव्ही शोसाठी ती मार्शल आर्ट्स, घोडेस्वारी, तलवारबाजी अशा अनेक नवीन गोष्टी शिकली आहेत.
प्रसिद्धीची हाव नाही
पार्वतीच्या भूमिकेमुळे मी घराघरांत पोहोचले. आजही मी मॉलमध्ये शॉपिंगला गेले, की अनेक लोक भेटतात. 'पार्वती बदलल्यावर आम्ही मालिका बघणं सोडलं' असं ते सांगतात. इतकं प्रेम दिल्याबद्दल आभार.
मात्र किती दिवस ही प्रसिद्धी मिरवणार?
शक्यतो मी प्रसिद्धीला भुलत नाही. मधल्या काळात कलाकार म्हणून मी दाक्षिणात्य सिनेसृष्टीत काम केलं. सतत नवीन काहीतरी करण्यावर माझा भर असल्यानंच मी ही नवीन मालिका स्वीकारली.
आहोत आम्ही सुंदर. त्यात गैर काय?
माझ्यानंतर इतर अनेक तारकांनी आपापले बिकिनीमधले किंवा तत्सम सुंदर फोटोज सोशल मीडियावर टाकायला सुरूवात केल्याचा मला आनंद आहे. या सुंदऱ्या कसली वाट बघत होत्या? ट्रोल व्हायचं असेल तर होऊ दे. स्वतःवर विश्वास ठेवा. आहोत आम्ही सुंदर. त्यात गैर काय? आम्हाला बोलण्यापेक्षा दृष्टी चांगली असू द्या. बॉडी शेमिंग करणं चुकीचं आहे
प्रतिमेत अडकायला होतं
पाच वर्षांपूर्वी प्रेक्षकांनी मला देवीच्या रूपात बघितलं आहे. मात्र अजूनही तीच प्रतिमा त्यांच्या डोक्यात घट्ट आहे. कलाकार भूमिका साकारत असतो हे त्यांना कधी समजेल माहित नाही. उगाच त्यामुळे एका विशिष्ट प्रतिमेत अडकायला होतं.
अंगप्रदर्शनाला हरकत काय?
मुळात 'हायवे'सारखा संवेदनशील सिनेमा देणारी आलिया भट्ट 'हम्प्टी शर्मा'ही करते. आपण बॉलिवूड स्टार म्हणून तिचा स्वीकारही करतो. मात्र टीव्ही तारकांनी काही वेगळा प्रयोग करायचं म्हटलं तर त्यांना बंधनात कशाला अडकवून ठेवायचं? असा माध्यमांचा भेदभाव नसावा. अंगप्रदर्शन हे कुणी उगाच करत नसून ती कथेची गरज असल्यासच करावं.
बीचवर सलवार-कमीज घालणार का?
लोकांनी दृष्टिकोन बदलण्याची गरज आहे. हल्ली अनेक गोष्टी ओव्हरहाइप केल्या जातात. मी जर बीचवर जाणार असेन तर अर्थातच बिकिनी घालेन ना!
अंगप्रदर्शन हे कुणी उगाच करत नसून ती कथेची गरज असल्यासच करावं. टीव्ही तारकांनी काही वेगळा प्रयोग करायचं म्हटलं तर त्यांना बंधनात कशाला अडकवून ठेवायचं?
- सोनारिका भदोरिया