सगळ्यांसमोर कोडकौतुक अन घरात बंगाली भाषेत सासू-सूनेचं भांडण, बच्चन कुटुंबाची निराळीच तऱ्हा

मुंबई- सासू- सून म्हटलं की भांडयाला भांडं लागायचंच. मग त्या सामान्य घरातील गृहिणी असोत किंवा मोठ्या पडद्यावर झळकणाऱ्या अभिनेत्री. लोकप्रिय बॉलिवूड अभिनेत्री ऐश्वर्या राय आणि जया बच्चन यांच्यातील वादाच्या अनेक बातम्या चाहत्यांच्या कानावर पडतच असतात. ऐश्वर्या आणि जया सासू-सून म्हणून एकत्र फार कमी पाहायला मिळतात. त्यामुळेच कदाचित त्यांच्यातील भांडणाच्या चर्चा सोशल मीडियावर वारंवार जोर धरत असतात. परंतु, जेव्हा जया आणि ऐश्वर्या एकत्र दिसतात तेव्हा मात्र त्यांच्याबद्दल बोलणाऱ्यांची बोलती बंद होते. त्यांच्यातील जिव्हाळा पाहून या सासू- सूनेच्या जोडीबद्दल सुरू असलेल्या भांडणाच्या अफवा खोट्या असल्याचं सिद्ध होतं.

छोट्या ड्रेसमध्ये बोल्ड क्रिती सेनॉन, हजारोंची आहे बॅगची


असाच एक व्हिडीओ सध्या सोशल मीडियावर वायरल होत आहे. ज्यात जया ऐश्वर्याचं त्यांच्या कुटुंबात स्वागत करत आहेत. ऐश्वर्या अभिषेकसोबत बसली आहे तर जया सगळ्यांसमोर आपल्या सुनेचं कौतुक करत आहेत. हा व्हिडीओ चाहत्यांनादेखील प्रचंड आवडला आहे. व्हिडिओत जया म्हणतात, 'आज मी एका सुंदर आणि चांगल्या मुलीची सासू होणार आहे. ती मुलगी जिला संपूर्ण जग ओळखतं. जिचा संपूर्ण विश्वात मान आहे. जिच्या हसण्यावर कोट्यवधी लोक फिदा आहेत. आमच्या कुटुंबात तुझं स्वागत आहे. मी तुझ्यावर खूप प्रेम करते. आम्हाला तुझा अभिमान आहे.' आपल्या सासूच्या तोंडून हे शब्द ऐकून ऐश्वर्य देखील भावुक होते.


हा व्हिडीओ २००७ सालचा आहे. ऐश्वर्या आणि जया यांच्यात खूप सुंदर नातं आहे. पण घर म्हटलं की वाद होणारच. ऐश्वर्या आणि जया यादेखील एकमेकांसोबत भांडतात. परंतु, त्यांच्या भांडणाची खासियत म्हणजे जेव्हाही त्या एकमेकांसोबत भांडतात तेव्हा त्या घराच्या एका कोपऱ्यात जाऊन एकमेकींशी बंगाली भाषेत बोलतात. ऐश्वर्या एका चित्रपटाच्या चित्रीकरणादरम्यान बंगाली भाषा शिकली होती. त्यानंतर त्या दोघीही घरात भांडण झाल्यावर एकमेकींसोबत बंगाली भाषेत बोलतात. या गोष्टीचा खुलासा खुद्द अभिषेक बच्चनने एका मुलाखतीत केला होता.

नीना गुप्तांना दिलेला 'गे' व्यक्तीशी लग्न करण्याचा सल्ला