मुंबई- आजकालच्या जगात माणूस माणसाशी माणसासारखा वागत नाही तिथे प्राणिमात्रांचा विचार करायला कोणाला वेळ आहे. गरज पडल्यावर आपलेच नातेवाईक आपल्याशी तुसडेपणाने वागतात मग या स्वार्थी जगात पक्षांवर आणि प्राण्यांवर प्रेम करायला कोण पुढाकार घेणार. अशातच बॉलिवूड अभिनेता जॉन अब्राहमच्या मावशीच्या भूतदयेची कहाणी सगळ्यांनाच मोहवून टाकणारी आहे. जॉनच्या मावशीचं प्राण्यांवर प्रचंड प्रेम आहे. ती त्यांना खूप जपते. नुसती जपतच नाही तर त्यांना खाऊपिऊदेखील घालते. आश्चर्याची गोष्ट म्हणजे जॉनची मावशी दररोज त्यांच्या घराजवळील तब्बल ४० ते ४५ भटक्या मांजरांना जेवण देते. तेही अगदी रोजच्या रोज. गेली कित्येक वर्ष त्यांचा हा दिनक्रम सुरु आहे.
जॉनच्या मावशीचं नाव ग्रोव्हेर असून त्या मुंबईतील ग्रॅण्टरोड येथे राहतात. त्यांना प्राण्यांची आवड आहे. त्या दररोज न चुकता त्यांच्या परिसरातील भटक्या मांजरांसाठी जेवण घेऊन जातात. त्या दिसताक्षणीच त्यांच्याभोवती सगळ्या मांजरी एकच घोळका करतात. मांजरींसोबत तिथे कुत्रेही येतात. या सर्व कामात त्यांना नमोनमः नावाची एक बहुउद्देशीय संस्था मदत करते. भटक्या जनावरांना कोणत्याही प्रकारची हानी पोहचू नये, यासाठी नमोनमः ही संस्था त्या परिसरात कार्यरत आहे. महत्वाचं म्हणजे, करोनाकाळात या संस्थेतर्फे ग्रोव्हेर यांना करोनायोद्धा म्हणून गौरवण्यात आलं होतं. जॉनच्या मावशीचं काम त्यांच्यासाठी अत्यंत महत्वाचं आहे.
अनेक जण प्राण्यांना मारहाण करतात त्यांना मुद्दाम त्रास देतात. त्यांच्या घरांच्या आवारातून प्राण्यांना हाकलून देण्यात येतं. काहींचे अपघात होतात. काही कायमचे अपंग होतात. या सर्व प्राण्यांना कोणतीही इजा होऊ नये, याची काळजी नमोनमः संस्थेकडून घेतली जाते. संस्थेकडून या भटक्या प्राण्यांना दररोज खाद्य पुरवलं जातं. माणसांमधील भूतदया अजूनही जिवंत आहे, याचा प्रत्यय या संस्थेच्या कामातून येतो. संस्थेतर्फे अनेक प्राण्यांवर उपचारही केले जातात. मुक्या प्राण्यांना कोणताही त्रास होऊ नये आणि त्यांच्या प्रेमापोटी त्यांना जेवण देता यावं एवढाच संस्थेचा प्रामाणिक उद्देश असल्याचं नमोनमः बहुउद्देशीय संस्थेकडून सांगण्यात आलं.
VIDEO: नवरा असावा तर असा! जेनेलियाचा हात फ्रॅक्चर झाल्यानं रितेश घेतोय तिची काळजी
जॉनच्या मावशीचं नाव ग्रोव्हेर असून त्या मुंबईतील ग्रॅण्टरोड येथे राहतात. त्यांना प्राण्यांची आवड आहे. त्या दररोज न चुकता त्यांच्या परिसरातील भटक्या मांजरांसाठी जेवण घेऊन जातात. त्या दिसताक्षणीच त्यांच्याभोवती सगळ्या मांजरी एकच घोळका करतात. मांजरींसोबत तिथे कुत्रेही येतात. या सर्व कामात त्यांना नमोनमः नावाची एक बहुउद्देशीय संस्था मदत करते. भटक्या जनावरांना कोणत्याही प्रकारची हानी पोहचू नये, यासाठी नमोनमः ही संस्था त्या परिसरात कार्यरत आहे. महत्वाचं म्हणजे, करोनाकाळात या संस्थेतर्फे ग्रोव्हेर यांना करोनायोद्धा म्हणून गौरवण्यात आलं होतं. जॉनच्या मावशीचं काम त्यांच्यासाठी अत्यंत महत्वाचं आहे.
अनेक जण प्राण्यांना मारहाण करतात त्यांना मुद्दाम त्रास देतात. त्यांच्या घरांच्या आवारातून प्राण्यांना हाकलून देण्यात येतं. काहींचे अपघात होतात. काही कायमचे अपंग होतात. या सर्व प्राण्यांना कोणतीही इजा होऊ नये, याची काळजी नमोनमः संस्थेकडून घेतली जाते. संस्थेकडून या भटक्या प्राण्यांना दररोज खाद्य पुरवलं जातं. माणसांमधील भूतदया अजूनही जिवंत आहे, याचा प्रत्यय या संस्थेच्या कामातून येतो. संस्थेतर्फे अनेक प्राण्यांवर उपचारही केले जातात. मुक्या प्राण्यांना कोणताही त्रास होऊ नये आणि त्यांच्या प्रेमापोटी त्यांना जेवण देता यावं एवढाच संस्थेचा प्रामाणिक उद्देश असल्याचं नमोनमः बहुउद्देशीय संस्थेकडून सांगण्यात आलं.
VIDEO: नवरा असावा तर असा! जेनेलियाचा हात फ्रॅक्चर झाल्यानं रितेश घेतोय तिची काळजी