मुंबई: बॉलिवूड अभिनेत्री कंगना रणौत हिनं २३ मार्चला ३४ वा वाढदिवस साजरा केला. याच दिवशी तिचा आगामी चित्रपट 'थलायवी'चा ट्रेलर सुद्धा रिलीज करण्यात आला. सुरुवातील कंगनानं चेन्नईमध्ये या ट्रेलर लॉन्चच्या कार्यक्रमाला हजेरी लावली आणि त्यानंतर तिनं मुंबईमध्ये एक प्रेस कॉन्सरन्स सुद्धा घेतली. यावेळी कंगनानं स्त्रियांच्या ताकदीवर भाष्य केलं. यावेळचा तिचा एक व्हिडीओ सोशल मीडियावर जोरदार चर्चेत आहे. तिच्या एका वक्तव्यावरून तिनं पुन्हा एकदा शिवसेनेला टोला लगावल्याचं बोललं जात आहे.
पत्रकारांशी बोलताना कंगना म्हणाली, 'माझ्यासोबत मागच्या काही काळात अनेक गोष्टी घडल्या आणि आताही होतच आहेत. पण जो कोणी स्त्रीचा अपमान करतो त्याचा विनाश निश्चित असतो. इतिहास साक्ष आहे याला. रावणानं सीतेचा आणि कौरवांनी द्रौपदीचा अपमान केला आणि अखेर त्यांचं काय झालं हे सर्वांना माहीत आहे. मी स्वतःला या देवतांप्रमाणे समजत नाही. पण मी नेहमीच स्वतःसाठी बोलले आहे. मी कधीच कोणाला इजा पोहोचवली नाही केली नाही. कोणाला दुःखी केलं नाही. मी फक्त स्वतःची सुरक्षा केली.'
कंगनाचा हा व्हिडीओ प्रसिद्ध सेलिब्रेटी फोटोग्राफर विरल भयानी यांनी इन्स्टाग्रामवर शेअर केला होता. त्यानंतर सध्या सोशल मीडियावर चर्चेचा विषय ठरत आहे. हा व्हिडीओ पाहिल्यानंतर कंगनानं कोणाचही नाव न घेता पुन्हा एकदा शिवसेनेवरच निशाणा साधला असल्याचं बोललं जात आहे. काही महिन्यांपूर्वी बीएमसीनं कंगनाच्या पाली हिलमधील ऑफिसचं बांधकाम बेकायदेशीर ठरवत ते तोडण्याचे आदेश दिले होते. त्यानंतर कंगनानं अनेकदा शिवसेनेवर टीका केली आहे.
पत्रकारांशी बोलताना कंगना म्हणाली, 'माझ्यासोबत मागच्या काही काळात अनेक गोष्टी घडल्या आणि आताही होतच आहेत. पण जो कोणी स्त्रीचा अपमान करतो त्याचा विनाश निश्चित असतो. इतिहास साक्ष आहे याला. रावणानं सीतेचा आणि कौरवांनी द्रौपदीचा अपमान केला आणि अखेर त्यांचं काय झालं हे सर्वांना माहीत आहे. मी स्वतःला या देवतांप्रमाणे समजत नाही. पण मी नेहमीच स्वतःसाठी बोलले आहे. मी कधीच कोणाला इजा पोहोचवली नाही केली नाही. कोणाला दुःखी केलं नाही. मी फक्त स्वतःची सुरक्षा केली.'
कंगनाचा हा व्हिडीओ प्रसिद्ध सेलिब्रेटी फोटोग्राफर विरल भयानी यांनी इन्स्टाग्रामवर शेअर केला होता. त्यानंतर सध्या सोशल मीडियावर चर्चेचा विषय ठरत आहे. हा व्हिडीओ पाहिल्यानंतर कंगनानं कोणाचही नाव न घेता पुन्हा एकदा शिवसेनेवरच निशाणा साधला असल्याचं बोललं जात आहे. काही महिन्यांपूर्वी बीएमसीनं कंगनाच्या पाली हिलमधील ऑफिसचं बांधकाम बेकायदेशीर ठरवत ते तोडण्याचे आदेश दिले होते. त्यानंतर कंगनानं अनेकदा शिवसेनेवर टीका केली आहे.