मुंबई: अभिनेत्री करिना कपूरनं महिन्याभरापूर्वीच दुसऱ्या मुलाला जन्म दिला. त्यानंतर काही दिवसांतच तिनं पुन्हा कामाला सुरुवात केली. सोशल मीडियावर करिनाचे बरेच व्हिडीओ चर्चेचा विषय ठरतात. आताही तिचा एक व्हिडीओ सोशल मीडियावर व्हायरल झाला आहे. ज्यात करिना कपूर काम संपवून घरी जायला निघालेली दिसत आहे. पण जेव्हा ती बाहेर निघते तेव्हा तिथे तासंतास उभे असलेले फोटोग्राफर तिला पोझ देण्याची विनंती करतात मात्र करिना त्यांच्याकडे दुर्लक्ष करून निघून जाते. यावर या फोटोग्राफर्सनी काही बोललेलं नसलं तरी नेटकरी मात्र करिनाच्या वागण्यावर भडकले आहेत. सोशल मीडियावर व्हायरल झालेल्या या व्हिडीओमध्ये करिना कपूर आपलं काम संपवून कारकडे जाताना दिसत आहे. एवढ्यात तिथे असलेले फोटोग्राफर्स तिला करिना मॅडम एक मिनिट थांबा, थांबा ना मॅडम, बराच वेळापासून उभे आहोत. अशी विनंती करत असल्याचं ऐकू येतं. पण करिना त्यांच्या बोलण्याकडे सपशेल दुर्लक्ष करते. आपल्या टीममधील लोकांचा निरोप घेऊन ती फोटोग्राफर्सना पोझ न देताच कारमध्ये बसून निघून जाते. पण तरीही ते फोटोग्राफर्स तिचे आभार मानतात.
करिनाच्या या व्हिडीओवर अनेक सोशल मीडिया युझर्सनी राग व्यक्त केला आहे. एका युझरनं लिहिल, 'बस करा एवढा का आदर करताय तिचा, ती तर तुमच्याकडे पाहतही नाहीये' तर दुसऱ्या एका युझरनं रागात करिनाला 'गर्विष्ठ महिला' असं म्हटलं आहे. याच व्हिडीओच्या दुसऱ्या भागात करिनाच्या वडील रधणीर कपूरही कुठेतरी जाताना दिसत आहेत. यावरूनही नेटकऱ्यांनी करिनाला सुनावलं आहे. यावर एका युझरनं म्हटलं, 'सेलिब्रेटींचं आयुष्याच विचित्र असतं. आजारी वडीलांची मदत कोणी दुसरंच करतंय. ज्यावेळी त्यांच्या मुलांनी त्यांना आधार द्यायला हवा.'
करिना कपूरनं २१ फेब्रुवारीला दुसऱ्या मुलाला जन्म दिला. दुसऱ्या मुलाच्या जन्मानंतर महिन्याभरातच करिनानं कामाला सुरुवात केली आहे. काही दिवसांपूर्वीच तिनं मुलाचा फोटो सोशल मीडियावर शेअर करत त्याची पहिली झलक चाहत्यांना दाखवली होती. नुकतंच तिनं सेलिब्रेटी कुकिंग शोसाठी शूटिंग पूर्ण केलं. लवकरच करिना कपूर 'लाल सिंह चड्ढा' या चित्रपटातून प्रेक्षकांच्या भेटीला येत आहे. ज्यात तिच्यासोबत अभिनेता आमिर खान मुख्य भूमिकेत आहे. हॉलिवूडच्या 'फॉरेस्ट गम्प' या चित्रपटाचा 'लाल सिंह चड्ढा' हा हिंदी रिमेक आहे.
करिनाच्या या व्हिडीओवर अनेक सोशल मीडिया युझर्सनी राग व्यक्त केला आहे. एका युझरनं लिहिल, 'बस करा एवढा का आदर करताय तिचा, ती तर तुमच्याकडे पाहतही नाहीये' तर दुसऱ्या एका युझरनं रागात करिनाला 'गर्विष्ठ महिला' असं म्हटलं आहे. याच व्हिडीओच्या दुसऱ्या भागात करिनाच्या वडील रधणीर कपूरही कुठेतरी जाताना दिसत आहेत. यावरूनही नेटकऱ्यांनी करिनाला सुनावलं आहे. यावर एका युझरनं म्हटलं, 'सेलिब्रेटींचं आयुष्याच विचित्र असतं. आजारी वडीलांची मदत कोणी दुसरंच करतंय. ज्यावेळी त्यांच्या मुलांनी त्यांना आधार द्यायला हवा.'
करिना कपूरनं २१ फेब्रुवारीला दुसऱ्या मुलाला जन्म दिला. दुसऱ्या मुलाच्या जन्मानंतर महिन्याभरातच करिनानं कामाला सुरुवात केली आहे. काही दिवसांपूर्वीच तिनं मुलाचा फोटो सोशल मीडियावर शेअर करत त्याची पहिली झलक चाहत्यांना दाखवली होती. नुकतंच तिनं सेलिब्रेटी कुकिंग शोसाठी शूटिंग पूर्ण केलं. लवकरच करिना कपूर 'लाल सिंह चड्ढा' या चित्रपटातून प्रेक्षकांच्या भेटीला येत आहे. ज्यात तिच्यासोबत अभिनेता आमिर खान मुख्य भूमिकेत आहे. हॉलिवूडच्या 'फॉरेस्ट गम्प' या चित्रपटाचा 'लाल सिंह चड्ढा' हा हिंदी रिमेक आहे.